Տնտեսություն

Կառավարությունը կպարզեցնի պետգնումների նկատմամբ ՀԿ-ների և լրագրողների կողմից հսկողություն իրականացնելու պայմանները

4 րոպեի ընթերցում

Կառավարությունը կպարզեցնի պետգնումների նկատմամբ ՀԿ-ների և լրագրողների կողմից հսկողություն իրականացնելու պայմանները

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ։ Կառավարությունն առաջարկում է առավել ճկուն դարձնել գնման ընթացակարգերի արդյունքում կնքված պայմանագրերի կատարման նկատմամբ հանրային հսկողության իրականացման պայմանները։ «Արմենպրես»-ի հաղորդմամբ՝ կառավարության հերթական նիստին նախագիծը ներկայացրեց ֆինանսների նախարար Վահե Հովհաննիսյանը։

«Հայաստանի Հանրապետության «Գնումների մասին» օրենքով ավելի քան երկու տարի է՝ նախատեսված է մի նորմ, որի համաձայն հասարակական կազմակերպությունները, հետաքննող լրագրողները և մրցույթին մասնակցած, սակայն հաղթող չճանաչված կազմակերպությունները իրավունք ունեն վերահսկելու պայմանագրերի կատարման ընթացքը և ներկայացնել խորհրդատվական բնույթի դիրքորոշում, որը պետք է ստանա արձագանք և հրապարակվի։ Նորմը ճանաչվել է նորարարական մի շարք միջազգային կազմակերպությունների կողմից։ Վերջին տարիների վիճակագրությունը ցույց է տվել քաղհասարակության ցածր մասնակցությունը, և քաղհասարակության գործընկերների հետ համատեղ կազմակերպված ուսումնասիրությունները ցույց են տվել, որ ցածր մասնակցության առանցքային պատճառներից է համեմատաբար բարդ ընթացակարգը, որի պայմաններում այս կամ այն հասարակական կազմակերպությունը ստիպված է ամեն պայմանագրի համար նորից ու նորից հավաքել ու ներկայացնել նույն փաստաթղթերը՝ յուրաքանչյուր անգամ անցնելով դրանց վավերացման գործընթացը։ Կառավարության սույն որոշումը կոչված է զգալիորեն պարզեցնել մասնակցության գործընթացը ինչպես քաղհասարակության, այնպես էլ պատվիրատուների համար»,-ասաց Հովհաննիսյանը։

Համաձայն որոշման՝ ֆինանսների նախարարությունը վարելու է ՀԿ-ների և լրագրողների ցուցակ, որում ներառվելը կնշանակի, որ ՀԿ-ն այլևս կարիք չի ունենա յուրաքանչյուր պայմանագրի համար դիմել պատվիրատուին։

«Ցուցակում ներառվելու համար յուրաքանչյուր կազմակերպություն պետք է ֆինանսների նախարարություն ներկայացնի գործունեության իրականացման էլեկտրոնային փոստի հասցեները, հասարակական կազմակերպության պետական գրանցման վկայականի պատճենը կամ նույնականացման համար անհրաժեշտ փաստաթղթեր, վերահսկման գործընթացում առաջարկվող դիտորդների տվյալներ, անուն-ազգանուն, անձը հաստատող փաստաթուղթ և այլն, հայտարարություն շահերի բախման առկայության դեպքում պայմանագրի արդյունքի ընդունման գործընթացին չմասնակցելու պարտավորության մասին։

Միանալով ցուցակին՝ կազմակերպությունները պարտավորվում են գործել ողջամտության սահմաններում, շինարարության վերահսկողության դեպքում չխանգարել շինարարական աշխատանքների ընթացքին և պահպանել անվտանգության նորմերը»,- նշեց Հովհաննիսյանը։

Նախարարի խոսքով՝ ցուցակը բաց է և գործելու է անժամկետ, ապագայում, կախված համակարգի գործարկման արդյունքներից, կքննարկվի նաև ցուցակում ինչպես ՀԿ-ների, այնպես էլ իրենց ներկայացուցիչներին ներկայացվող պահանջների սահմանումը՝ թիրախավորելով կարողությունների զարգացումը ու թափանցիկությունը։

«Ավելին, ցուցակում ներառված կազմակերպությունների համար ֆինանսների նախարարությունը կիրականացնի կարողությունների զարգացման ծրագրեր։

Մենք հավատացած ենք, որ գնումների մեջ քաղհասարակության առավել ակտիվ ներգրավվածությունը կբարձրացնի որակի հսկողությունը և հանրային միջոցների օգտագործման արդյունավետությունը»,- եզրափակեց նախարարը։

ՀՀ ԱԳ փոխնախարարը և ESCAP-ի գործադիր քարտուղարը քննարկել են փոխգործակցության հեռանկարները

Տնտեսություն

ՀՀ ԱԳ փոխնախարարը և ESCAP-ի գործադիր քարտուղարը քննարկել են փոխգործակցության հեռանկարները

ՀՀ ֆինանսների նախարարի տեղակալն ու ԱԶԲ գործադիր տնօրենն անդրադարձել են Հյուսիս-հարավ ճանապարհային միջանցքի Սիսիան-Քաջարան հատվածի շինարարության ֆինանսավորմանը

Տնտեսություն

ՀՀ ֆինանսների նախարարի տեղակալն ու ԱԶԲ գործադիր տնօրենն անդրադարձել են Հյուսիս-հարավ ճանապարհային միջանցքի Սիսիան-Քաջարան հատվածի շինարարության ֆինանսավորմանը

Մայիսին ՀՀ առևտրային բանկերում ավանդների և վարկերի աճ է գրանցվել

Տնտեսություն

Մայիսին ՀՀ առևտրային բանկերում ավանդների և վարկերի աճ է գրանցվել

Հայաստանի բյուջեն ընդհանուր առմամբ պահպանել է հավասարակշռությունը

Տնտեսություն

Հայաստանի բյուջեն ընդհանուր առմամբ պահպանել է հավասարակշռությունը

2024 թվականի առաջին հինգ ամիսներին Հայաստանից արտահանման ու ներմուծման ծավալներն աճել են համապատասխանաբար 248 և 200 տոկոսով

Տնտեսություն

2024 թվականի առաջին հինգ ամիսներին Հայաստանից արտահանման ու ներմուծման ծավալներն աճել են համապատասխանաբար 248 և 200 տոկոսով

ՀՀ ԱԳ նախարարը ՄԱԿ-ի գլխավոր քարտուղարի տեղակալին է ներկայացրել Հարավային Կովկասում անվտանգության իրավիճակի շուրջ զարգացումները

Քաղաքականություն

ՀՀ ԱԳ նախարարը ՄԱԿ-ի գլխավոր քարտուղարի տեղակալին է ներկայացրել Հարավային Կովկասում անվտանգության իրավիճակի շուրջ զարգացումները

Իրականացման դեպքում «Չոր նավահանգիստ» նախագիծը կարող է Հայաստանի տնտեսության զարգացման լուրջ գործոն դառնալ

Տնտեսություն

Իրականացման դեպքում «Չոր նավահանգիստ» նախագիծը կարող է Հայաստանի տնտեսության զարգացման լուրջ գործոն դառնալ

Եվրոպական ինդեքսներ - 16/07/24

Տնտեսություն

Եվրոպական ինդեքսներ - 16/07/24

Ամերիկյան ինդեքսներն աճել են - 16/07/24

Տնտեսություն

Ամերիկյան ինդեքսներն աճել են - 16/07/24

NYMEX. Թանկարժեք մետաղների գներն աճել են - 16/07/24

Տնտեսություն

NYMEX. Թանկարժեք մետաղների գներն աճել են - 16/07/24

Նավթի գները նվազել են - 16/07/24

Տնտեսություն

Նավթի գները նվազել են - 16/07/24

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում