Քաղաքականություն

Միրզոյանի գնահատմամբ՝ Հայաստան-ԵՄ հարաբերությունների օրակարգն ավելի ընդգրկուն է, քան հիմնարար համաձայնագրով նախատեսվածը

3 րոպեի ընթերցում

Միրզոյանի գնահատմամբ՝ Հայաստան-ԵՄ հարաբերությունների օրակարգն ավելի ընդգրկուն է, քան հիմնարար համաձայնագրով նախատեսվածը

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ։ Հայաստանը և Եվրամիությունը վերջին շրջանում դրական իմաստով վերանայում են հարաբերությունները և դրանք ընդգրկող օրակարգը։

«Արմենպրես»-ի հաղորդմամբ՝ այս մասին Ազգային ժողովում օրենսդիր-գործադիր հարցուպատասխանի ժամանակ ասաց ՀՀ արտաքին գործերի նախարար Արարատ Միրզոյանը՝ անդրադառնալով Հայաստան-ԵՄ համապարփակ և ընդլայնված գործընկերության համաձայնագրով (CEPA) նախատեսված և Հայաստան-ԵՄ հարաբերությունների խորացմանն ուղղված ծրագրերի իրագործման ընթացքին:

«Մենք ունենք հիմնարար փաստաթուղթ՝ CEPA-ն, որը կոնկրետ ուղղություններ և գործողություններ արդեն իսկ կանխորոշում է։ Երբ ես ասում եմ, որ վերանայում է տեղի ունենում, նկատի ունեմ հետևյալը՝ այժմ քննարկվում են հարցեր և տեղի կունենան գործընթացներ, որոնք ավելին են, քան կանխորոշում, նախատեսում է CEPA-ն»,-ասաց արտգործնախարարը։

Նրա խոսքով՝ եթե, օրինակ, ԵՄ-ի հետ վիզաների ազատականացման շուրջ երկխոսություն մեկնարկի, ապա դա նախատեսված է այդ համաձայնագրով, սակայն կան նաև քննարկվող այլ գործիքներ։

«Հիմա համահունչ նրան, ինչ հայտարարեց ՀՀ վարչապետը Եվրոպական խորհրդարանում, համահունչ նրան, ինչ հայտարարվեց ապրիլի 5-ին Բրյուսելում կայացած եռակողմ հանդիպման ընթացքում և արդյունքներով, առնվազն՝ Հայաստան-Եվրամիություն կտորով, ահա այս հայտարարություններին ու դիրքորոշումներին համահունչ մենք Եվրոպական Միության հետ քննարկում ենք CEPA-ն և դրանից անդին նոր գործիքներ»,-մանրամասնեց Միրզոյանը՝ հավելելով, որ երկուստեք առկա է հարաբերությունները խորացնելու քաղաքական կամք։

Արտաքին քաղաքական գերատեսչության ղեկավարի հավաստմամբ՝ դրանք ընդգրկում են բազմապիսի ոլորտներ՝ ավիացիա, տնտեսական դիվերսիֆիկացիա, շուկաների մոտարկում, որակների ստանդարտների բարձրացում և այլն։

Անդրադառնալով հարցին, թե արդյոք դա նշանակում է CEPA-ում ներառված ոլորտների ընդլայնում, արտգործնախարարը պարզաբանեց, որ տեխնիկապես նոր պայմանագիր չկա և չի կնքվում, հետևաբար՝ պայմանագրից բխող գործողություններն էլ չեն փոխվի, բայց պայմանագիրը չի սահմանափակում այլ համատեղ գործողություններն ու ծրագրերը։

«Այսինքն, մենք CEPA-ն կշարունակենք ամբողջական իմպլեմենտացիայի ուղղությամբ և զուգահեռաբար մեր երկկողմ հարաբերությունների օրակարգ ենք ներմուծում այլ տարրեր, որոնք ոչ պակաս կարևոր են»,-եզրափակեց Միրզոյանը։

Երևանի Ագաթանգեղոսի-Գրիգոր Լուսավորչի փողոցների խաչմերուկում Երթևեկության կազմակերպման փոփոխություն տեղի կունենա

Երևան

Երևանի Ագաթանգեղոսի-Գրիգոր Լուսավորչի փողոցների խաչմերուկում Երթևեկության կազմակերպման փոփոխություն տեղի կունենա

Ջրափրկարարները քաղաքացուն դուրս են բերել ափ

Մարզեր

Ջրափրկարարները քաղաքացուն դուրս են բերել ափ

Երևանի քաղաքապետ Տիգրան Ավինյանը հանդիպել է Հայաստանի հյուրանոցների ասոցիացիայի ներկայացուցիչների հետ

Տուրիզմ

Երևանի քաղաքապետ Տիգրան Ավինյանը հանդիպել է Հայաստանի հյուրանոցների ասոցիացիայի ներկայացուցիչների հետ

ՀՀ ԲՏԱ նախարարը «Նեյշնլ Ինսթրումենթս»-ի պաշտոնյայի հետ քննարկել է գործակցության ընդլայնման մի շարք հնարավորություններ

Ինովացիա

ՀՀ ԲՏԱ նախարարը «Նեյշնլ Ինսթրումենթս»-ի պաշտոնյայի հետ քննարկել է գործակցության ընդլայնման մի շարք հնարավորություններ

Փրկարարներն ամրացրել են քոլեջի տանիքի մոտ 40 քմ պոկված թիթեղը

Պատահար

Փրկարարներն ամրացրել են քոլեջի տանիքի մոտ 40 քմ պոկված թիթեղը

ՀՀ ԲՏԱ նախարարությունը հայտարարում է «Մուտք դեպի շուկա» բաղադրիչով դրամաշնորհային մրցույթ

Ինովացիա

ՀՀ ԲՏԱ նախարարությունը հայտարարում է «Մուտք դեպի շուկա» բաղադրիչով դրամաշնորհային մրցույթ

ՀՀ վարչապետը մեկնում է արձակուրդ

Պաշտոնական

ՀՀ վարչապետը մեկնում է արձակուրդ

Տավուշում ճանապարհատրանսպորտային պատահարի հետևանքով որևէ զինծառայող չի հոսպիտալացվել. ՀՀ ՊՆ

Բանակ

Տավուշում ճանապարհատրանսպորտային պատահարի հետևանքով որևէ զինծառայող չի հոսպիտալացվել. ՀՀ ՊՆ

ՀՀ դեսպանը մասնակցել է Չեռնոգորիայի Պետականության օրվա կապակցությամբ կազմակերպված պետական ընդունելությանը

Եվրոպա

ՀՀ դեսպանը մասնակցել է Չեռնոգորիայի Պետականության օրվա կապակցությամբ կազմակերպված պետական ընդունելությանը

ՀՀ առողջապահության նախարարը ներկա է գտնվել Դսեղի առողջության կենտրոնի բացմանը

Մարզեր

ՀՀ առողջապահության նախարարը ներկա է գտնվել Դսեղի առողջության կենտրոնի բացմանը

Հուլիսի 16-ի միջոցառումների անոնս

Անոնս

Հուլիսի 16-ի միջոցառումների անոնս

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում