Հայաստանը չի կարող ուղղակի ձևացնել, թե ոչինչ չի նկատում․ վարչապետն անդրադարձել է Հայաստան-ՀԱՊԿ հարաբերություններին
1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հայաստանը Հավաքական անվտանգության պայմանագրի կազմակերպությանը (ՀԱՊԿ) ոչինչ չի արել, ինչ-որ ՀԱՊԿ-ին արել է՝ հենց ինքն է արել իր հայտարարությամբ, գործողություններով և անգործությամբ։
«Արմենպրես»-ի հաղորդմամբ՝ բրիտանական մի շարք լրատվամիջոցների տված հարցազրույցի ընթացքում այս մասին ասել է Հայաստանի Հանրապետության վարչապետ Նիկոլ Փաշինյանը։
«Շատ են ասում, որ Հայաստանը ՀԱՊԿ-ի մասին այսպես ասաց, Հայաստանը ՀԱՊԿ-ի մասին այնպես ասաց։ Հայաստանը ՀԱՊԿ-ում այս արեց, Հայաստանը ՀԱՊԿ-ում այն արեց, բայց Հայաստանը ՀԱՊԿ-ին ոչ մի բան չի արել, ինչ-որ ՀԱՊԿ-ին արել է՝ ՀԱՊԿ-ը հենց ինքն է արել իր հայտարարությամբ, գործողություններով և անգործությամբ», - ընդգծել է վարչապետը և հավելել, որ նման պայմաններում Հայաստանը չի կարող ուղղակի ձևացնել, թե ոչինչ չի նկատում։