Հայաստանն ու Ղազախստանը միգրացիայի ոլորտում համագործակցության մասին համաձայնագիր են ստորագրել
1 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ։ Հայաստանն ու Ղազախստանը համաձայնագիր են ստորագրել միգրացիայի ոլորտում համագործակցության մասին։
Ինչպես հաղորդում է «Արմենպրես»-ը, համաձայնագրի ստորագրման արարողությունը տեղի ունեցավ ՀՀ նախագահի նստավայրում՝ Հայաստանի վարչապետ Նիկոլ Փաշինյանի և Ղազախստանի նախագահ Կասիմ-Ժոմարտ Տոկաևի հանդիպումից հետո։
Համաձայնագիրը ստորագրեցին Հայաստանի արտաքին գործերի նախարար Արարատ Միրզոյանը և Ղազախստանի փոխվարչապետ, ԱԳ նախարար Մուրատ Նուրտլեոն։
Արարատ Միրզոյանն ու Մուրատ Նուրտլեոն ևս մեկ համաձայնագիր ստորագրեցին Հայաստանի և Ղազախստանի քաղաքացիների միմյանց երկրներ փոխադարձ այցելությունների և գտնվելու կարգի մասին։
