Մակրոնն անհամաչափ է համարել Ադրբեջանի պատասխան հարվածը Ներքին Հանդի հայկական դիրքերի ուղղությամբ
1 րոպեի ընթերցում
![Մակրոնն անհամաչափ է համարել Ադրբեջանի պատասխան հարվածը Ներքին Հանդի հայկական դիրքերի ուղղությամբ](http://armenpress.am/resized/480/static/news/b/2024/02/1130851.jpg)
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնն անհամաչափ է համարել փետրվարի 13-ին Ներքին Հանդում հայկական դիրքերի ուղղությամբ Ադրբեջանի հարվածը:
«Արմենպրես»-ի հաղորդմամբ՝ այս մասին նա ասել ՀՀ վարչապետ Նիկոլ Փաշինյանի հետ համատեղ ԶԼՄ ներկայացուցիչների համար արված հայտարարության ընթացքում։
«Ֆրանսիան ցավում է, որ փետրվարի 12-ի կրակոցի հետևանքով ադրբեջանցի է վիրավորվել, ինչն ընդունել է նաև Հայաստանի ղեկավարությունը՝ լիակատար թափանցիկությամբ: Բայց Ֆրանսիան ափսոսանք է հայտնում Ադրբեջանի անհամաչափ պատասխան հարվածի համար, որի հետևանքով հայկական կողմն ունեցավ չորս զոհ և վիրավոր»,- հավելել է Ֆրանսիայի նախագահը։