3 րոպեի ընթերցում
ԱՆՈՆՍ
27 հունվար, 2024
|
Ժամը |
Վայրը |
Միջոցառումներ |
«Արմենպրեսը»-ը կլուսաբանի |
|
10:00-ին |
Երևանում «Դոմ Մոսկվի» մոսկովյան մշակութագործարարական կենտրոնում (Արգիշտի 7) |
կենտրոնը կազմակերպել է իր կողմից ՀՀ-ում անցկացվող ռուսաց լեզվի անվճար դասընթացների ուսուցիչների որակավորման բարձրացման ծրագիր: Վերապատրաստման դասընթացին մասնակցում են ռուսաց լեզվի և գրականության ավելի քան 50 ուսուցիչ ՀՀ բոլոր մարզերից։ Դասընթացը վարելու են Հայաստանի և Ռուսաստանի առաջատար ուսումնական հաստատությունների լավագույն մասնագետները։ Դասընթացի ավարտին մասնակիցներին կտրվեն վկայականներ։ Նույն օրը Երևանում «Դոմ Մոսկվի» կենտրոնում կբացվի «Ժամանակների կապը»ցուցահանդեսը՝ նվիրված Լենինգրադի ազատագրման 80-ամյակին։ Օրվա ավարտին մասնակիցների համար նախատեսվում է նաև կինոդիտում՝ «Կյանքում ամենակարևորը» ֆիլմի ցուցադրությունը։ Միջոցառմանը հրավիրված են՝ ՀՀ-ում ՌԴ արտակարգ և լիազոր դեսպանը, ՀՀ ԿԳՄՍ նախարարությունը, ՀՀ ազգային ժողովի պատգամավորներ, Կրթության զարգացման և նորարարության ազգային կենտրոնը: |
|
|
|
Հոգեւոր |
|
|
|
09:30-ից |
Հայ Առաքելական Սուրբ Եկեղեցին |
նշում է երիտասարդության ու սիրո բարեխոս Սուրբ Սարգիս զորավարի, նրա Մարտիրոս որդու եւ 14 զինվորների տոնը։ Ն.Ս.Օ.Տ.Տ. Գարեգին Երկրորդ Ամենայն Հայոց Հայրապետի տնօրինությամբ տոնը հռչակվել է Երիտասարդների օրհնության օր։ Տոնի առթիվ Արարատյան Հայրապետական թեմում Գերաշնորհ Տեր Նավասարդ արքեպիսկոպոս Կճոյանի օրհնությամբ կազմակերպվելու են տարբեր միջոցառումներ։ Երիտասարդների օրհնության կարգ կկատարվի Արարատյան Հայրապետական թեմի բոլոր եկեղեցիներում. 09:30-ին՝ Մատենադարանից Առաջնորդանիստ Ս.Սարգիս եկեղեցի կբերվի 17-րդ դարում Ս.Սարգիս եկեղեցում ընդօրինակված Ավետարանը, որը Ս.Պատարագի ողջ ընթացքում կլինի Ս.Խորանի վրա: Ավետարանը եկեղեցում կմնա մինչեւ երեկոյան ժամերգությունը: 09:30-ին՝ Ն.Ս.Օ.Տ.Տ. Գարեգին Երկրորդ Ամենայն Հայոց Հայրապետի արտոնմամբ Առաջնորդանիստ Սուրբ Սարգիս եկեղեցի կբերվի Ս.Սարգսի աջը: Հավարտ Ս.Պատարագի սուրբ մասունքի օրհնությունը կբաշխվի հավատավոր ժողովրդին: Սուրբ աջը եկեղեցում կմնա մինչեւ երեկոյան ժամերգությունը: Ժամը 11:00-ին՝ տոնական Ս.Պատարագ Ս.Սարգսի անունը կրող երկու եկեղեցիներում: Այս տարի արդեն 9-րդ անգամ Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի նախաձեռնությամբ պարգեւատրվելու են Հայոց բանակում ծառայողները։ Ժամը 15:00-ին՝ ՀՀ նկարիչների միության դահլիճում (Աբովյան 16) ցուցահանդես՝ նվիրված Սուրբ Սարգսի տոնին։ Ժամը 16:30-ին՝ «Իմ գաղտնի գրքաՍԵՐ. Սիրո խոստովանություն գրքով» Արարատյան Հայրապետական թեմի առաջնորդարանում տեղի կունենա «Իմ գաղտնի գրքասեր» ծրագրի մասնակիցների գրքերի հանձնումը: |
V |