Նոյեմբերի 3-ի միջոցառումների անոնս

Ժամը

Վայրը

Միջոցառումներ

«Արմենպրեսը»-ը կլուսաբանի

ՀՀ ԱԺ

10:00-ին

Ազգային ժողովում

կկայանա ԱԺ արտաքին հարաբերությունների, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2024թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր՝ Արտաքին գործերի նախարարություն, միջազգային կազմակերպություններին անդամակցելու վճարումներ:

V

12:00-ին

Ազգային ժողովում

կկայանա ԱԺ եվրոպական ինտեգրման հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2024թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր՝ եվրոպական ինտեգրում:

V

14:00-ին

Ազգային ժողովում

կկայանա ԱԺ տարածաշրջանային եւ եվրասիական ինտեգրման հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2024թ. պետական բյուջեի մասին» ՀՀ օրենքի նախագծում նախատեսված եկամուտներ եւ ծախսեր՝ եվրասիական տնտեսական միություն եւ տարածաշրջանի մյուս երկրների հետ կապեր:

V

16։45 -ին

ՀՀ ԱԳՆ-ում

տեղի կունենա Հայաստանի և Գերմանիայի ԱԳ նախարարների համատեղ մամուլի ասուլիսը։ Լուսաբանմանը կարող են մասնակցել միայն ԱԳՆ 2023թ. հավատարմագրումն անցած ԶԼՄ ներկայացուցիչները՝բացառապես ԱԳՆ հավատարմագրման քարտի առկայության պարագայում:

V

Պետական կառույցներ

10:00-ին

«Ռեդիսոն Բլու հոթել-Երեւան» հյուրանոցում (Ազատության պող., 2/2)

կմեկնարկի Ինտերնետ կառավարման հայաստանյան 8-րդ համաժողովը (ArmIGF)։ Համաժողովին ներկա կլինեն. ՀՀ ԱԺ նախագահի տեղակալ Հակոբ Արշակյանը, ՀՀ ԲՏԱ նախարար Ռոբերտ Խաչատրյանը, բարձրաստիճան պաշտոնյաներ, ոլորտի ղեկավարներ և ներկայացուցիչներ։ Համաժողովը կազմակերպվել է ՀՀ բարձր տեխնոլոգիական արդյունաբերության նախարարության, «Ինտերնետ հանրություն» և «Ինտերնետ հասարակության Հայաստան հատված» ՀԿ-ների համագործակցությամբ:

V

11:00-ին

Երեւանի քաղաքապետարանի գլխավոր մասնաշենքում

տեղի կունենա Երևանի քաղաքապետի տեղակալ Սուրեն Գրիգորյանի մամուլի ասուլիսը: Կներկայացվի «Երևան քաղաքում արտաքին գովազդի տեղաբաշխման չափորոշիչները» և անօրինական տեղադրված գովազդների ապամոնտաժման գործընթացը:

V

12:00-ին

«Արմենպրես» լրատվական գործակալության մամուլի սրահում (Սարյան 22)

տեղի կունենաԵրևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանի, «Կանաչապատում և շրջակա միջավայրի պահպանություն» ՀՈԱԿ-ի զարգացման գծով տեղակալ Արթուր Խալաթյանի, փորձագետ Հասմիկ Խուրշուդյանի ասուլիսը։ Թեմա. Երևանում նոյեմբերի 1-ից մեկնարկել է աշնանային էտը, մայրաքաղաքում իրականացվում են արժեքավոր ծառատեսակների լրացման աշխատանքներ։

V

Կուսակցություններ, ՀԿ-ներ, միջազգային կազմ-ներ

18:30-ին

«Նարեկացի» արվեստի միությունում (Վարդանանց 16/1)

տեղի կունենա ճեպազրույց «ԿԱՄՔ» Վ.Սարգսյան գրական մրցույթի կազմակերպիչների‚ մրցույթի մասնակիցների‚ ժյուրիի նախագահի և անդամների հետ։ Գրական մրցույթի ժյուրին նախագահում է Արամ Զավենի Սարգսյանը։ «ԿԱՄՔ» Վ.Սարգսյան գրական մրցույթը կազմակերպվել է «Կողբ» հիմնադրամի և «Մարտական եղբայրություն» միաբանության նախաձեռնությամբ։ Նույն օրը՝ ժամը 19.00-ին‚ «Նարեկացի» արվեստի միությունում հրավիրված արարողության ընթացքում կհայտարարվեն մրցույթի մրցանակակիրների անունները‚ տեղի կունենա պարգևատրման արարողություն։

V

ԲՈՒՀ-եր, կրթական հաստատություններ

17:00-ին

Ս.Մերգելյանի անվան Երևանի մաթեմատիկական մեքենաների գիտահետազոտական ինստիտուտում

կկայանա Հայաստանում առաջին անգամ անցկացված մեծահասակների մաթեմատիկայի օլիմպիադայի

արդյունքների ամփոփում եւ մրցանակաբաշխություն: Վերջինիս մասնակցել են տեղական և միջազգային ԲՈՒՀ-երի տարբեր կուրսերի ուսանողներ: Միջոցառմանը ներկա կլինեն տեխնոլոգիական ոլորտի առաջատար ընկերությունների, ԲՈՒՀ-երի և ոլորտի այլ ներկայացուցիչներ։+37455767543 (Տաթև):

Մամուլի ակումբներ

11:00-ին

Sputnik Արմենիա

մուլտիմեդիոն մամուլի կենտրոնում

կկայանա ասուլիս՝ Երևանում Ալեքսանդրինյան թատրոնի հյուրախաղերի նախօրեին: Գաբրիել Սունդուկյանի անվան ազգային ակադեմիական թատրոնը սեպտեմբերին հյուրախաղերի էր մեկնել Սանկտ Պետերբուրգ: Նոյեմբերի 6-ին Երևանում կմեկնարկեն Ռուսաստանի ազգային դրամատիկական թատրոնի (Ալեքսանդրինյան թատրոն) պատասխան հյուրախաղերը: Սանկտ Պետերբուրգում անցած հյուրախաղերի և առաջիկա ստեղծագործական ծրագրերի մասին կպատմեն Երևանի միջազգային թատերական փառատոնի հիմնադիր, Գ.Սունդուկյանի անվան թատրոնի տնօրեն Վարդան Մկրտչյանը, Ալեքսանդրինյան թատրոնի տնօրեն Սերգեյ Եմելյանովը:

13:30-ին

Մեդիա կենտրոնի

«Հենման կետ» հաղորդման ընթացքում կզրուցենք միջազգային իրավունքի մասնագետԱրա Ղազարյանիհետ: Թեման՝«Արցախից բռնի տեղահանվածներ. ի՞նչ իրավունքներ ունեն և ո՞ր իրավունքները կարող են իրացնել»:

Մշակույթ

14:00-ին

Ե.Չարենցի անվան գրականության և արվեստի թանգարանում (Արամի 1)

կկայանա գրքի շնորհանդես: Հեղինակի ժառանգների նախաձեռնությամբ հրատարակվել է հայ մեծանուն գրող, պատմավիպասան, Հայոց ցեղասպանության նահատակ Սմբատ Բյուրատի «Լեռնականին յուշատետրը» անտիպ հուշագրությունը։ Կազմեց և բնագրից վերծանեց Հասմիկ Հախվերդյանը։ Պատասխանատու խմբագիր Միհրան Ա.Մինասյան։

14:00-ին

Գաբրիել Սունդուկյանի անվան ազգային ակադեմիական թատրոնի փոքր բեմում

տեղի կունենա «Քո արվեստը դպրոցում» ծրագրի հերթական հանդիպումը: Երևանի 10 դպրոցներից շուրջ 100 աշակերտ հնարավորություն կունենան հանդիպելու անվանի երաժիշտ, դաշնակահար, ՀՀ արվեստի վաստակավոր գործիչ Վահագն Հայրապետյանի հետ: Հանդիպմանը ներկա կլինի նաեւ ՀՀ ԿԳՄՍ նախարարի տեղակալ Դանիել Դանիելյանը: ՀՀ ԿԳՄՍ նախարարության աջակցությամբ «Երեխաների հատուկ ստեղծագործական կենտրոն»-ը 2023 թվականին իրականացնում է «Քո արվեստը դպրոցում» հանրապետական կրթամշակութային ծրագիրը:

19:00-ին

«Արամ Խաչատրյան» համերգասրահում

Երևանյան 15-րդ միջազգային երաժշտական փառատոնի շրջանակում կկայանա Հայաստանում հազվադեպ հնչող Ջուզեպպե Վերդիի «Պարահանդես-դիմակահանդես» օպերայի համերգային կատարումը՝ Հայաստանի ազգային ֆիլհարմոնիկ նվագախմբի կատարմամբ՝ Էդուարդ Թոփչյանի ղեկավարությամբ: Գլխավոր դերերով հանդես կգան հրավիրյալ անվանի օպերային մեներգիչներ՝ Մարսելո Պուենտե (տենոր), Բոգդան Բաչու (բարիտոն), Եվգենիա Մուրավյովա (սոպրանո), Յուլիա Մեննիբաևա (մեցցո-սոպրանո), Оլգա Պուդովա (սոպրանո), մնացյալ դերերի դերակատարներն են՝ Աշոտ Ղանթարջյան (բաս), Հովհաննես Ներսեսյան (բաս), Հայկ Տիգրանյան (բաս), Արամո Մամիկոնյան (տենոր), Ալեն Մանուկյան (տենոր): Օպերայի կատարմանը մասնակցում են Հայաստանի ազգային ակադեմիական երգչախումբը և Ձայնի պահպանման վոկալ-երգչախմբային մասնագիտական դպրոցի երգչախումբը: