Մարմնամարզիկ Արթուր Դավթյանը Փարիզի Օլիմպիական խաղերի ուղեգիր է նվաճել

ԱՆՏՎԵՐՊԵՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր, աշխարհի և Եվրոպայի չեմպիոն Արթուր Դավթյանը նվաճեց Փարիզի 33-րդ ամառային ՕԽ ուղեգիր:

«Արմենպրես»-ի թղթակցի հետ զրույցում այս մասին ասաց Հայաստանի հավաքականի գլխավոր մարզիչ Հակոբ Սերոբյանը: Այս օրերին բելգիական Անտվերպեն քաղաքում ընթացող մարմնամարզության աշխարհի վարկանիշային առաջնությունում Արթուր Դավթյանը մրցեց բազմամարտում և հենց այս կերպ նվաճեց Օլիմպիական խաղերի ուղեգիր:

Արթուր Դավթյանը մինչ այս մասնակցել է Լոնդոն-2012, Ռիո-2016, Տոկիո-20202 խաղերին: Սա հայ մարմնամարզիկի 4-րդ Օլիմպիական խաղերն են: Նա նախորդ խաղերում` հենացատկի վարժությունում նվաճել էր բրոնզե մեդալ:

Հայաստանը33-րդ ամառային Օլիմպիական խաղերին մինչ այս ուներ6մասնակից`հրաձիգ Էլմիրա Կարապետյանը,ըմբիշներ Արթուր Ալեքսանյանը,Մալխաս Ամոյանը,Սլավիկ Գալստյանը,Վազգեն Թևանյանը,Արսեն Հարությունյանը:

Վարվառա Հայրապետյան