Նիկոլ Փաշինյանն ու Աննա Հակոբյանը մասնակցեցին Երևանի ավագանու ընտրությունների քվեարկությանը
1 րոպեի ընթերցում
![Նիկոլ Փաշինյանն ու Աննա Հակոբյանը մասնակցեցին Երևանի ավագանու ընտրությունների քվեարկությանը](http://armenpress.am/resized/480/static/news/b/2023/09/1119682.jpg)
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի ավագանու ընտրությունների քվեարկությանը մասնակցել են Հայաստանի վարչապետ, «Քաղաքացիական պայմանագիր» կուսակցության վարչության նախագահ Նիկոլ Փաշինյանը և նրա տիկինը՝ Աննա Հակոբյանը։
«Քաղաքացիական պայմանագիր» կուսակցությունը ևս մասնակցում է Երևանի ավագանու ընտրություններին։ Կուսակցության քաղաքապետի թեկնածուն Տիգրան Ավինյանն է։
Երևանի ավագանու ընտրությունների քվեարկությունը մեկնարկել է ժամը 08։00-ին և կավարտվի ժամը 20։00-ին, որից հետո կսկսվի ձայների հաշվարկը։