Հունիսի 21-ի միջոցառումների անոնս

Ժամը

Վայրը

Միջոցառումներ

«Արմենպրեսը»-ը կլուսաբանի

Պետական կառույցներ

10։00-ին

Արամ Մանուկյանի անվան մարզառազմական մասնագիտացված դպրոցում (Կոտայքի մարզ, Չարենցավան համայնք, Արզական գյուղ(Աղվերան):

ԿԳՄՍ նախարար Ժաննա Անդրեասյանը կայցելի կհանդիպի «Նախնական զինվորական պատրաստություն» առարկայի շրջանակում կազմակերպված ռազմամարզական ճամբարին մասնակից աշակերտների հետ, ներկա կգտնվի ուսումնական վարժանքին: Ճամբարը կազմակերպվում է 5 փուլով՝ հանրակրթության նոր չափորոշչի ներդրման շրջանակում: ՀՀ ԿԳՄՍՆ

V

10:30-ին

Մատենադարանի մեծ դահլիճում

կկայանա Ներսես Շնորհալուն նվիրված «Ներսես Շնորհալի՝բազմաշնորհ հայրապետը» խորագրով հայագիտական միջազգային գիտաժողովի բացումը: Ողջույնի խոսքեր՝ Մատենադարանի տնօրենի ժամանակավոր պաշտոնակատար Կարեն Մաթևոսյան, Ն.Ս.Օ.Տ.Տ. Գարեգին Բ Ամենայն Հայոց կաթողիկոսի օրհնության գիրը, Ն.Ս.Օ.Տ.Տ. Արամ Ա Մեծի Տանն Կիլիկիո կաթողիկոսի օրհնության գիրը, ԿԳՄՍՆ նախարար Ժաննա Անդրեասյանի ողջույնի խոսքը: Միջնադարի մեծ մտածող, բանաստեղծ, աստվածաբանու շարականագիր Ներսես Շնորհալու (Ներսես Դ Կլայեցի Կաթողիկոս Ամենայն Հայոց (1166-1173) մահվան 850-րդ տարելիցն ընդգրկվել էՅՈՒՆԵՍԿՕ-ի հռչակավոր մարդկանց և կարևոր իրադարձությունների 2022-2023թվականների օրացույցում: Գիտաժողովն անցկացվելու է հունիսի 21-23-ը Մատենադարանում:

V

17:00-ին

ՀՀ ԱՆ Ակադեմիկոս Ս.Ավդալբեկյանի անվան առողջապահության ազգային ինստիտուտի Հանրապետական գիտաբժշկական գրադարանում (Ռուբինյանց 29/3)

Բուժաշխատողի օրվա մասնագիտական տոնի առթիվ ՀՀ առողջապահության նախարար Անահիտ Ավանեսյանը բուժաշխատողներին, սպորտային բժիշկներին և կինեզիստներին կպարգևատրի պատվոգրերով:

19:50-ին

«Զվարթնոց» միջազգային օդանավակայանում Սաուդյան Արաբիայի Flynas ավիաընկերությունն առաջին անգամ գործարկում է Էր Ռիադ-Երևան-Էր Ռիադ երթուղով ուղիղ չվերթերը: Այս կապակցությամբ, ժամը 19:50-ին «Զվարթնոց» միջազգային օդանավակայանում առաջին չվերթի ժամանելուն պես նախատեսվում է ջրային կամար և ժապավենի կտրման արարողություն՝ հատուկ վերահսկելի գոտում, ինչպես նաև՝ հյուրասիրություն Մեկնման սրահում: 095 71 77 75:

Կուսակցություններ, ՀԿ-ներ, միջազգային կազմ-ներ

10:00-ից

«Լոֆթ»-ում (Մոսկովյան 3)

տեղի կունենա «Մշակույթների փոխանակումը՝ ներառման խթան» խորագրով միջոցառում՝ նվիրված Փախստականների համաշխարհային օրվան: Այդ օրը Հայկական Կարմիր խաչի ընկերության ծրագրերում ներգրավված փախստականները կպատրաստեն և կմատուցեն իրենց ազգային կերակրատեսակները: Հունիսի 20-ը ՄԱԿ-ի կողմից Փախստականների համաշխարհային օր է հայտարարվել 2000 թվականից, իսկ այս տարվա կարգախոսն է՝ «Հույս՝ տնից հեռու. Աշխարհ, որտեղ փախստականները միշտ ներառված են»։

15:00-ին

Երևանի Ռուսական տան շենքում (Մարշալ Բաղրամյան 34)

կկայանա պատմության մեջ երկրորդ հայ տիեզերագնաց Հարություն Կիվիրյանի մամուլի ասուլիսը։ +374 93 24 59 22 Անի

16:45-ին

«Dvin Music Hall»-ում (Պարոնյան փողոց 40)

կկայանա Team Telecom Armenia-ի բաժնետոմսերի առաջնային հրապարակային տեղաբաշխման (IPO) մեկնարկն ազդարարող միջոցառումը։ Միջոցառմանը կմասնակցեն գործադիր ու օրենսդիր մարմինների բարձրաստիճան պաշտոնյաներ, Հայաստանում հավատարմագրված դեսպաններ, միջազգային կառույցների և ֆինանսաբանկային համակարգի ներկայացուցիչներ, ինչպես նաև գործարարներ ու պոտենցիալ ներդրողներ։ Ժամը 17:00-ինտեղի կունենաճեպազրույց Team Telecom Armenia-ի, Ամերիաբանկի, Կենտրոնական բանկի ղեկավարների հետ։ Խնդրում ենք հաստատել Ձեր մասնակցությունը՝ լրացնելով այս հարցաթերթըմինչև հունիսի 21-ը՝ ժամը 10:00-ը։ Հարցերի դեպքում զանգահարել Սաթենիկ Խաչատրյանին՝+374 93762032:

V

18:30-ին

«Արմենիա Մարիոթ» հյուրանոցի «Աշոտ Երկաթ» սրահում

տեղի կունենա Եվրոպական խորհրդարանի Արտաքին հարաբերությունների հանձնաժողովի Անվտանգության և պաշտպանության ենթահանձնաժողովի նախագահ Նատալի Լուազոյի (RENEW, Ֆրանսիա) ճեպազրույցը մամուլի ներկայացուցիչների համար։

V

19:00-ին

«Opera Suit» հյուրանոցում

Մեդիամաքս մեդիա ընկերությունը եւ Newmag հրատարակչությունը հրավիրում են ներկա գտնվել Ռոնալդ Ասմուսի «Բացելով ՆԱՏՕ-ի դուռը» գրքի հայերեն թարգմանության շնորհանդեսին: Շնորհանդեսից հետո տեղի կունենա պանելային քննարկում, որին կմասնակցեն Newmag-ի հեղինակները՝ «Հայաստանն ու Բուշն անձամբ» գրքի հեղինակ Սուրեն Սարգսյանը, «Միայնակ ընդդեմ ճակատագրի» գրքի հեղինակ Սամվել Ֆարմանյանը եւ «Երկու ռոք աստղ, երկու աղջիկ՝ չհաշված Արարատը» գրքի հեղինակ Արա Թադեւոսյանը:

19:00-ին

Ազատության հրապարակում՝ Օպերայի դիմաց

ՀՀ-ում Հնդկաստանի դեսպանությունը Յոգայի միջազգային օրվա /ՅՄՕ/ կապակցությամբ կազմակերպում է յոգայի միջոցառում՝ նշելու 9-րդ ՅՄՕ-ն: ՄԱԿ-ի ԳԱ-ն 2014թ. դեկտեմբերին հունիսի 21-ը հռչակեց որպես Յոգայի միջազգային օր: Հայաստանն այն 179 երկրների թվում էր, որոնք պաշտպանել են Հնդկաստանի բանաձեւը ՄԱԿ-ի ԳԱ-ում: Միջոցառման մեկնարկին բացման խոսքով հանդես կգան ՀՀ-ում Հնդկաստանի դեսպան՝ տիկին Նիլակշի Սահա Սինհան, ՀՀ ԿԳՄՍ փոխնախարար Արթուր Մարտիրոսյանը: Միջոցառմանը ներկա կլինեն դիվանագիտական համայնքի ներկայացուցիչներ, պետական պաշտոնյաներ, հայտնի մարդիկ եւ յոգայի սիրահարներ՝ հասարակության բոլոր շերտերից:

Մամուլի ակումբներ

12:00-ին

Մամուլի ազգային ակումբը

«Սփյուռք» ծրագրի շրջանակներում լրագրողներին հրավիրում է հանդիպման՝ Բելգիայի հայերի կոմիտեի նախագահ Ռոբերտ Ունուսյանի հետ։ Թեմաները՝ «Բելգիայի հայ համայնքի 100-ամյակին ընդառաջ. համայնքի խնդիրները և ծրագրերը»; «Բելգիահայերի դիրքորոշումը և գործողություններն ի պաշտպանություն Արցախի և արցախյան հիմնախնդրի»։ Մամուլի ազգային ակումբ

12:00-ին

Sputnik Արմենիա

մուլտիմեդիոն մամուլի կենտրոնում

տեղի կունենա ասուլիս՝ «Երևանում կանցկացվի Վիկտոր Ցոյին նվիրված ռոք փառատոն»: Հունիսի 21-ին նախկին ԽՍՀՄ տարբեր անկյուններում Վիկտոր Ցոյի երկրպագուներն ավանդաբար նշում են խորհրդային ռոքի լեգենդի ծննդյան օրը: Երևանի Սիրահարների այգում հունիսի 23-ին կանցկացվի ռոք փառատոն՝ նվիրված այդ օրվան: Այն մասին, թե որ խմբերն ու կատարողները կմասնակցեն փառատոնին, ինչ անակնկալներ են սպասվում հանդիսատեսին,կպատմի կազմակերպիչներից մեկը՝ երգիչ Արմեն «Ցոյ» Սարգսյանը։

Մշակույթ

11:00-ին

Սարդարապատի հերոսամարտի հուշահամալիրի հայոց ազգագրության և ազատագրական պայքարի պատմության ազգային թանգարանի տարածքում

կկայանա «Բերքի տոն-ծիրանաքաղ» խորագրով միջոցառման բացումը: Հաջորդիվ կներկայացվի ազգային երգ ու պար, կկազմակերպվի բերքահավաք և հյուրասիրություն: Բերքահավաքի նշանակության և խորհրդի վերաբերյալ տեղեկատվական նյութեր կտրամադրվեն այցելուներին, թեմայի շուրջ տեղի կունենան քննարկումներ: Այնուհետև, այցելուները հնարավորություն կունենան շրջայց կատարելու և դիտելու թանգարանի մշտական ցուցադրութունը: ԿԳՄՍՆ

14:00-ին

ՀԳՄ կլոր սրահում

տեղի կունենա բանաստեղծուհի Ազնիվ Սահակյանի «Մի գավաթ առավոտ» բանաստեղծությունների ժողովածուի շնորհանդեսը։

18:30-ին

Հայաստանի ազգային պատկերասրահում /մուտքը՝ Արամի 1 փողոցից/

կկայանա Հովհաննես Այվազովսկու

ստեղծագործությունների մշտական ցուցադրության վերաբացումը: Երկար դադարից հետո Հայաստանի ազգային պատկերասրահում վերաբացվում է աշխարհահռչակ ծովանկարիչ Հովհաննես Այվազովսկու ստեղծագործությունների մշտական ցուցադրությունը, որն ընդգրկում է վարպետի՝ ծավալով ու գեղարվեստական արժեքով աշխարհում կարևորագույն հավաքածուներից մեկը:

19:00-ին

Ալ.Սպենդիարյանի անվան օպերայի և բալետի ազգային ակադեմիական թատրոնում

տեղի կունենա Վերդիի լավագույն ստեղծագործություններից մեկը՝ «Տրավիատա» երեք գործողությամբ օպերան, որը իր բեմադրության պահից առ այսօր չի իջել օպերային թատրոնների բեմահարթակներից։ Ներկայացումը կղեկավարի անվանի դիրիժոր, դաշնակահար Վահագն Պապյանը:

19:00-ին

Նկարիչների միությունում

կկայանա Մայիս Մխիթարյանի անհատական ցուցահանդեսի բացումը եւ ալբոմի շնորհանդեսը: