Երասխում կառուցվում է հայ-ամերիկյան մետալուրգիական խոշոր գործարան

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ։ Երասխում կառուցվում է հայ-ամերիկյան մետալուրգիական խոշոր գործարան՝ 70 միլիոն ԱՄՆ դոլար ներդրմամբ։ Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է Էկոնոմիկայի նախարար Վահան Քերոբյանը։

«Արտադրամասը 30մ բարձրությամբ ու 16,500քմ մակերեսով շենք է, որտեղ տարեկան թողարկվելու է 180,000 տոննա արտադրանք։ Արդեն աշխատում են 200 մարդ, գործարկելուց հետո կաշխատի 1000»,- գրել է Քերոբյանը՝ գրառմանը կից հրապարակելով տեսանյութ։