1 րոպեի ընթերցում
ՔԻՇՆԵՎ, 1 ՀՈՒՆԻՍԻ, ԱՐՄԵՆՊՐԵՍ: Մոլդովայում ավարտվեց Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի և Ադրբեջանի նախագահ Իլհամ Ալիևի մասնակցությամբ հնգակողմ հանդիպումը:
Ինչպես հայտնում է «Արմենպրես»-ի թղթակիցը՝ հանդիպումը տևեց մոտ 1 ու կես ժամ:
Հանդիպումն անցկացվում էր Եվրոպական քաղաքական համայնքի երկրորդ գագաթնաժողովի շրջանակներում:
Հունիսի 1-ի առավոտյան «Միմի» ամրոցում մեկնարկել էր Եվրոպական քաղաքական համայնքի երկրորդ գագաթնաժողովը: Այս տարի գագաթնաժողովին հրավիրել էին 47 երկրների ղեկավարներ: