1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ալեքսանդր Թամանյանի անվան ճարտարապետության ազգային թանգարան-ինստիտուտում մեկնարկել է Հայաստանում Ֆիլատելիայի և դրամագիտական շարժման հիմնադրման 100-ամյակին նվիրված ցուցահանդեսը: Ցուցահանդեսի գլխավոր գործընկերն Ակբա բանկն է, կազմակերպիչները՝ «Ֆիլատելիստների հայկական ասոցիացիան», «Հայփոստ» ՓԲԸ-ն և ՀՀ Կենտրոնական բանկը։
Ցուցահանդեսի շրջանակում տարբեր դասային կարգերում ներկայացվում են «Ֆիլատելիստների հայկական ասոցիացիայի» անդամ 25 ֆիլատելիստների հավաքածուները, ՀՀ Կենտրոնական բանկը ներկայացնում է Հայաստանում ազգային դրամի պատմության թեմատիկան, իսկ Հայփոստն ու Արցախփոստը ներկայանում են իրենց տարեկան թողարկումներով։
Ցուցահանդեսը կտևի 4 օր և կավարտվի նոյեմբերի 18-ին։
Ցուցահանդեսի շրջանակում շրջանառության մեջ է դրվել նաև մեկ նամականիշ՝ նվիրված ««Ֆիլանում» (ֆիլատելիստների և նումիզմատների միություն) կազմակերպության 100-ամյակ» թեմային: