2 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Հայաստանի պետական հետաքրքրությունների ֆոնդի (ԱՆԻՖ) ևAir Arabia խմբի համատեղ ձեռնարկություն հանդիսացող Հայաստանի ազգային ավիափոխադրող Fly Arna ավիաընկերությունը հայտարարել է Cross Technics ընկերության հետ պայմանագիր կնքելու մասին, որի համաձայն՝ այն Երևանի «Զվարթնոց» միջազգային օդանավակայանում Fly Arna-ի ինքնաթիռներին կմատուցի գծային տեխնիկական սպասարկման բոլոր անհրաժեշտ ծառայությունները:
Ինչպես «Արմենպրես»-ին տեղեկացրին Fly Arna ավիաընկերությունից, Cross Technics ՍՊԸ-ն Հայաստանում տեղակայված Part-145 գծային տեխնիկական սպասարկում իրականացնող կազմակերպություն է, որի նպատակն է Երևանում ավիաընկերություններին բարձրակարգ սպասարկման ծառայություններ մատուցելը:
Fly Arna-ի և Cross Technics-ի միջև ձեռքբերված համագործակցության շրջանակներում Cross Technics-ն աշխատանքի է ընդունել 18 բարձր որակավորում ունեցող նոր ինժեներների և աշխատակիցների, որոնք սպասարկելու են Fly Arna-ի Airbus A320 ինքնաթիռը:
FlyArna-ի չվերթների տոմսերն արդեն վաճառքում են և հաճախորդները կարող են ամրագրել դրանք՝ Fly Arna-ի պաշտոնական կայքի (www.flyarna.com), զանգերի կենտրոնի (+374 41 38 00 83) կամ տուրիստական գործակալությունների միջոցով:
Առաջին չվերթները կիրականացվեն «Զվարթնոց» միջազգային օդանավակայանից դեպի Հուրգադա և Շարմ էլ Շեյխ՝ 2022 թվականի հուլիսի 3-ից սկսած: FlyArna-ի թիմը հետևողականորեն աշխատում է չվերթների աշխարհագրության ընդլայնման ուղղությամբ և շուտով կհայտարարի նոր ուղղությունների մասին։
Fly Arna-ի մասին
Fly Arna-ն՝ հայկական ազգային ավիափոխադրողն է և Հայաստանի պետական հետաքրքրությունների ֆոնդի (ԱՆԻՖ) և «Էյր Արաբիա» խմբի համատեղ ձեռնարկությունը: Տեղակայվելով Երևանի «Զվարթնոց» միջազգային օդանավակայանում՝ Fly Arna-ն հետևում է Air Arabia-ի հաջողված բյուջետային բիզնես մոդելին, որն առաջարկում է հարմարավետություն, հուսալիություն և արժեքավոր օդային փոխադրումներ: Հավելյալ տեղեկատվության համար այցելեք www.flyarna.com: