1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Սանկտ Պետերբուրգում տեղի է ունեցել ԱՊՀ ՄԽՎ էկոնոմիկայի եւ ֆինանսների մշտական հանձնաժողովի նիստը, որը նախագահել է կառույցում հայկական պատվիրակության անդամ Ալեքսեյ Սանդիկովը: «Արմենպրես»-ի հաղորդմամբ՝ այս մասին հայտնում են ՀՀ ազգային ժողովից:
Օրակարգում ընդգրկված 18 հարցերը Հարկային օրենսգրքին, թվային տեխնոլոգիաներին վերաբերող մոդելային օրենքների նախագծեր են եղել, որոնք քննարկվել են երկրորդ ընթերցմամբ:
Խորհրդարանականները ներկայացրել են բազմաթիվ առաջարկներ: Նախագծերի երրորդ ընթերցմանը պատգամավորները կանդրադառնան աշնանը: Նիստի ընթացքում քննարկվել են նաեւ կազմակերպչական մի շարք հարցեր: