Արտաշես Քասախյանն ընտրվել է Գլենդելի քաղաքապետ

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: ԱՄՆ հայաշատ Գլենդել քաղաքը նոր քաղաքապետ ունի: Ինչպես հաղորդում է «Արմենպրես»-ը՝ վկայակոչելով asbarez.com կայքը, Գլենդելի քաղաքային խորհրդի անդամ Արտաշես Քասախյանը այդ պաշտոնում կփոխարինի Փոլա Դիվայնին:

Քասախյանը ծնվել է Բոստոնում: Նա Գլենդելի բնակիչ է 1986 թվականից:

Մինչ քաղաքային խորհրդի կազմում ընտրվելը՝ 15 տարի աշխատել է որպես Գլենդելի քաղաքային գործավար՝ չորս անգամ ընտրվելով և վերընտրվելով Գլենդելի ընտրողների կողմից։