368.26
Մամիջանյանը պարզաբանեց, թե Վանեցյանն ինչու չի մասնակցում կառավարության հետ հարցուպատասխաններին
1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ազգային ժողովի ընդդիմադիր «Պատիվ ունեմ» խմբակցության պատգամավոր Հայկ Մամիջանյանը պարզաբանեց, թե ինչու է խմբակցության ղեկավար Արթուր Վանեցյանը հաճախակի բացակայում ԱԺ նիստերից, հատկապես կառավարության անդամների հետ հարցուպատասխաններին:
«Արմենպրես»-ի հաղորդմամբ՝ պատգամավորն այս մասին խոսեց խորհրդարանական ճեպազրույցում՝ անդրադառնալով լրագրողի դիտարկմանը, թե Վանեցյանին ԱԺ-ում չեն տեսնում:
«Արթուր Վանեցյանը գրեթե ամեն օր գտնվում է Ազգային ժողովում: ԱԺ-ում չգտնվելու պարագայում գտնվում է «Հայրենիք» կուսակցության գրասենյակում»,- ասաց Մամիջանյանը:
Իսկ ինչ վերաբերում է ԱԺ-ում կառավարության անդամների հետ հարցուպատասխաններին չմասնակցելու հարցին՝ նա նշեց, թե Վանեցյանը կարծում է, որ ստերը կարելի է լսել ոչ միայն դահլիճում, այլ նաև ուրիշ վայրերում:
Բաժանորդագրվեք մեր ալիքին Telegram-ում