ԱՊՀ-ի պետությունների ղեկավարները համատեղ հայտարարություն են ընդունել

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Անկախ պետությունների համագործակցության (ԱՊՀ) կազմավորման 30-ամյակի կապակցությամբ մասնակից երկրների ղեկավարները հայտարարություն են արել, որի տեքստը մեջբերում Է ԱՊՀ-ի գործադիր կոմիտեի մամուլի ծառայությունը, տեղեկացնում Է «Արմենպրես»-ը:

Ինչպես հետեւում Է փաստաթղթից, պետությունների ղեկավարներն ընդունում են, որ ԱՊՀ-ի ստեղծումը տեղի Է ունեցել լուրջ աշխարհաքաղաքական պայմաններում:

«Երեսուն տարի առաջ լուրջ աշխարհաքաղաքական փոփոխությունների ժամանակաշրջանում ստորագրվեց Համաձայնագիր Անկախ պետությունների համագործակցության ստեղծման մասին, այդ Համաձայնագրի արձանագրությունը եւ Ալմա-Աթայի հռչակագիրը»,-ասվում Է երկրների համար պատմական որոշման մասին հայտարարության մեջ:

Այսպիսով այսօր Համագործակցության երկրներն ունեն իրավական բազայի անհրաժեշտություն, որը թույլ Է տալիս կազմակերպել շահավետ փոխգործակցություն: Դրա հիմքը տնտեսական կապերն են: Լիարժեք առեւտրից Է կախված Համագործակցության քաղաքացիների բարեկեցությունը:

Դրա աճի ապահովումը հնարավոր Է առաջավոր ձեւերի եւ տեխնոլոգիաների ներդրման հաշվին: Մասնավորապես, «կանաչ» տնտեսության, թվայնացման, արդյունաբերական կոոպերացման եւ ինովացիաների զարգացման միջոցով: Երկրները կարող են բարելավել լոգիստիկան, ինչպես նաեւ ավելի նպատակահարմար ձեւով օգտագործել ռեսուրսները:

Վերջին հաշվով, այդ բոլոր պայմաններն ուղղված են ԱՊՀ-ի պետությունների քաղաքացիների զբաղվածությանը: Պետությունների ղեկավարները հաստատել են հետագա համագործակցությունը՝ մինչեւ 2030 թվականն ընկած ժամանակաշրջանի համար ԱՊՀ-ի տնտեսական զարգացման ռազմավարության համաձայն:

Հումանիտար ոլորտում հրատապ խնդիրներից մեկը մնում Է 1941-1945 թվականի Հայրենական մեծ պատերազմի ընդհանուր Հաղթանակի մասին հիշողության պահպանումը:

ԱՊՀ-ի պետությունների ղեկավարներg անվտանգության ոլորտում նշել են այնպիսի սպառնալիքներ, ինչպիսիք են միջազգային ահաբեկչությունը, ծայրահեղականությունը, անդրսահմանային կազմակերպված հանցավորությունը, թմրանյութերի անօրինական արտադրությունն ու շրջանառությունը, ինչպես նաեւ հանցավոր նպատակներով տեխնոլոգիաների օգտագործումը: Ամփոփիչ տեքստում նաեւ արտացոլված Է անհանգստությունը կորոնավիտրուսի համաշխարհային համավարակի կապակցությամբ, հաղորդել Է ՌԻԱ Նովոստին: