Վլադիմիր Վարդանյանը մեկնաբանել է խորհրդարանում լրագրողների տեղաշարժի սահմանափակումները
1 րոպեի ընթերցում
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԺ «Քաղաքացիական պայմանագիր» խմբակցության ներկայացուցիչ Վլադիմիր Վարդանյանն անդրադարձել է խորհրդարանում լրագրողների տեղաշարժի սահմանափակումներին:
«Ես մշտապես եղել եմ և կամ որպես լրագրողների պաշտպան, բայց լրագրողն էլ պետք է հասկանա, որ ես էլ անձնական ազատության հնարավորություն պետք է ունենամ: Մնացած հարցերը, որոնք կապված են հետագա գործունեության հետ, ճիշտ կլինի քննարկել ԱԺ ղեկավարության հետ»,- «Արմենպրես»-ի հաղորդմամբ՝ ասաց Վլադիմիր Վարդանյանը:
Վլադիմիր Վարդանյանի խոսքով՝ Ազգային ժողովը պետք է դառնա այն կառույցը, որը ճանապարհ է հարթելու դեպի ապագա: Նա հորդորեց ողջախոհ լինել ու գնալ այդ ճանապարհով: «Ժողովուրդը մեզնից աշխատանք է ակնկալում»,-ասաց Վլադիմիր Վարդանյանը:
Օգոստոսի 2-ին Ազգային ժողովի 8-րդ գումարման անդրանիկ նիստի աշխատանքները լուսաբանող լրատվամիջոցները դժգոհություն էին հայտնել : Խորհրդարանի շենքում որոշ սահմանափակումներ են սահմանվել լրագրողների տեղաշարժի առնչությամբ: