398.74
ԼՀԿ-ն տեսնում է առաջիկա 10 օրվա մեջ ԱԺ լուծարման գործընթացի մեկնարկի անհրաժեշտություն
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: «Լուսավոր Հայաստան» կուսակցությունն առաջիկա 10 օրվա մեջ Ազգային ժողովի լուծարման գործընթացի մեկնարկի անհրաժեշտություն է տեսնում:
«Արմենպրես»-ի փոխանցմամբ՝ այս մասին ասաց Էդմոն Մարուքյանը խորհրդարանում լրագրողների հետ զրույցում:
«Մինչև հունիսի 1-ը պետք է ընտրություններն ավարտված լինեն: Դա նշանակում է, որ առաջիկա 10 օրվա մեջ պետք է մեկնարկի խորհրդարանի լուծարման գործընթացը»,- ասաց Մարուքյանը:
Էդմոն Մարուքյանը նշեց, որ հունիսի 1-ից հետո չի կարող երաշխավորել, թե խորհրդարանում իրենց կողմից վարչապետի թեկնածուի առաջադրում չի լինի:
Բաժանորդագրվեք մեր ալիքին Telegram-ում