Երկնիշ տնտեսական աճն իմ թիրախն է. Վահան Քերոբյանի լավատեսությունը չի փոխվել

ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: ՀՀ էկոնոմիկայի նորանշանակ նախարար Վահան Քերոբյանի՝ տնտեսության զարգացման լավատեսությունը չի փոխվել: «Երկնիշ տնտեսական աճն իմ թիրախն է»,- «Արմենպրես»-ի փոխանցմամբ, այդ մասին Քերոբյանը նշեց կառավարության նիստից հետո լրագրողների հետ զրույցում:

Միաժամանակ, նա նշեց, որ առկա է մոտ 20 տոկոս անկում ներմուծման, արտահանման և սպառման ոլորտներում, իսկ 2020 թվականին, իր կարծիքով, եղել է 8,5 տոկոս տնտեսական անկում:

Միաժամանակ, նախարարն ասաց, որ տնտեսությունը կայունացնելու ու զարգացնելու քայլերի երկար ցանկ ունեն: «Կառավարության օրակարգում ընդգրկված հարցերն ուղղված են տնտեսական պոտենցիալը պաշտպանելու և տնտեսավարողների համար ավելի լավ աշխատանքային պայմաններ ստեղծելու համար»,- ընդգծեց նա: