Եկել ենք թուրք-ադրբեջանական ագրեսիայի հետևանքներին ծանոթանալու. ՀՀ-ում գտնվող իսպանացի պատգամավոր
2 րոպեի ընթերցում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Իսպանիայի Կոնգրեսի պատգամավոր Ջոն Ինյառիտուն իսպանացի խորհրդարանականներից և լրագրողներից բաղկացած պատվիրակության կազմում այս օրերին Հայաստանում է:
«Արմենպրես»-ի հաղորդմամբ, նա «Թվիթեր»-ում տեսանյութ է հրապարակել և նշել, որ իրենք՝ որպես դիտորդներ, ժամանել են Հայաստան՝ թուրք-ադրբեջանական ագրեսիայի հետևանքներին ծանոթանալու և միջազգային հանրությանը կոչ անելու՝ ջանքեր ներդնել խնդրի խաղաղ կարգավորմանը հասնելու համար։
Una delegación de parlamentarios/as y periodistas de diferentes Estados d la UE hemos venido a Armenia y Artsakh como observadores ante la agresión de Azerbaiyán y Turquía y solicitar a la comunidad internacional q se implique para buscar un alto el fuego y una solución. pic.twitter.com/TKwQhnnbbz
— Jon Inarritu (@JonInarritu) November 1, 2020
Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանը, Թուրքիայի և վարձկան- ահաբեկիչների ներգրավմամբ, ռազմական գործողություններ է սկսել: Հրետակոծվում են նաև խաղաղ բնակավայրերը, այդ թվում՝ մայրաքաղաք Ստեփանակերտը, ինչի հետևանքով Արցախի տարբեր շրջաններում զոհվում են քաղաքացիական անձինք: