Կառավարությունը ստորերկրյա ջրային ռեսուրսների հորատումները վերահսկելու օրինագիծ է մշակել
2 րոպեի ընթերցում
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: ՀՀ ազգային ժողովն առաջին ընթերցմամբ քննարկում է «ՀՀ ջրային օրենսգրքում լրացումներ կատարելու մասին» օրենքի նախագիծը, որով հնարավորություն կտրվի վերահսկել ստորերկրյա ջրային ռեսուրսների հորատումները: «Արմենպրես»-ի փոխանցմամբ՝ կառավարության ներկայացրած օրինագիծն Ազգային ժողովի նիստում ներկայացրեց Շրջական միջավայրի նախարար Էրիկ Գրիգորյանը:
![«Արմենպրես»](<p><img src="https://scontent.fevn1-4.fna.fbcdn.net/v/t1.0-9/90355483_10216299390773192_3738883912953233408_n.jpg?_nc_cat=104&_nc_sid=110474&_nc_eui2=AeF_YTkXTzy0c-o3Jqtgh-7cDEqtnM1thiALIDWrPUwG1OHUFVBl_WxEYwcDiQbWvhb8FRYHk3bdIJmh9xVwRNvC_p2g6GgML-2AVxLS6Wg-7A&_nc_ohc=tYkPLAFoFfQAX_AYlq8&_nc_ht=scontent.fevn1-4.fna&oh=1f3d1e935e18dea9a3356b7ae39fd16b&oe=5EA0E549" alt="" width="600" height="800" /></p> <p><img src="https://scontent.fevn1-4.fna.fbcdn.net/v/t1.0-9/90669284_10216299390853194_6463423913551462400_n.jpg?_nc_cat=102&_nc_sid=110474&_nc_eui2=AeEkLZhpOn4WKXHq-6l_b7RoSdxDJ56oRWvQ68lIpc-OyMmEnKtBMN1TwM3Z8U6X5Fg2c0YkmPGLmrFCaEQmhIOnmncrzqK0fwBSeL3ie_fGYQ&_nc_ohc=50pHObajxgUAX95m-wv&_nc_ht=scontent.fevn1-4.fna&oh=d5a6db0435eec5055ebcc1c295c43e80&oe=5EA2432B" alt="" width="600" height="800" /></p> <p><img src="https://scontent.fevn1-4.fna.fbcdn.net/v/t1.0-9/90917462_10216299391253204_8466136261386567680_n.jpg?_nc_cat=105&_nc_sid=110474&_nc_eui2=AeGMRZdcPntlKGlQ0PhcP8ntiZjAM60qpX9PgfZiavMALiwsWZj58xSUrx2d106cbWXTT_DF-awm6NdwU-Z6xq2pbtFWkC3c-xQdMdakdqTIuQ&_nc_ohc=2fTsdmjhtZUAX9qvkNd&_nc_ht=scontent.fevn1-4.fna&oh=b880d699e3179ecb607b7937de02d712&oe=5E9FAB6C" alt="" width="506" height="960" /></p>){kind=link}
«Օրենքի նախագծով կանոնակարգվելու է հորատում իրականացնող հաստոցների տեղադիրքին առցանց հետևելու տեխնիկական սարքավորումների կարգը: Արդեն ջրային օրենսգրքով նախատեսված էր, որ ստորերկրյա քաղցրահամ ջրերի հորատման համար անհրաժեշտ էր լինելու առցանց հետևել, սակայն կարգավորված չէր, թե ում միջոցներով պետք է ձեռք բերվեին այդ սարքավորումները և ինչպես պետք է իրականացվեր: Նախագիծը հնարավորություն է տալու այսուհետև վերահսկել հիմնականում Արարատյան դաշտում ստորերկրյա ջրային ռեսուրսների մասով իրականացվող հորատումները, և համադրության արդյունքում հնարավոր կլինի հասկանալ՝ այդ հորատումները օրենքին համապատասխան են իրականացվում, թե ոչ»,- ասաց Գրիգորյանը:
ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովը դրական եզրակացություն է տվել օրենքի նախագծին: