Կատարի շուրջ ծավալվող ճգնաժամն ավելի խորն է, քան երբև. Մոգերինի
18:55, 19 Հունիս, 2017ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Կատարի շուրջ ծավալվող ներկա ճգնաժամն ավելի խորն է, քան երբևէ, ուստի դրա կարգավորման մեջ պետք է հետաքրքրված լինեն տարածաշրջանի բոլոր պետությունները: Ինչպես հաղորդում է «Արմենպրես»-ը, նման հայտարարությամբ հանդես է եկել ԵՄ արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինին՝ ԵՄ արտաքին գործերի նախարարների հետ հանդիպման ավարտից հետո լրագրողների հետ հանդիպման ժամանակ:
«Կարծում եմ, որ Պարսից ծոցի բոլոր խաղացողները պետք է հետաքրքրված լինեն ճգնաժամի կարգավորմամբ, երկխոսության և համագործակցության նոր ձևերի փնտրտուքով»,- ասել է ԵՄ դիվանագիտության ղեկավարը:
Նա շեշտել է, որ Կատարում բնակվում են ԵՄ անդամ երկրների երկքաղաքացիություն ունեցող բազմաթիվ քաղաքացիներ, ուստի իրենք հետաքրքրված են ճգնժամի շուտափույթ կարգավորմամբ:
© 2009 ARMENPRESS.am