Հոնկոնգի իշխանությունները պաշտոնապես հետ են կանչել արտահանձնման մասին օրինագիծը
12:48, 23 Հոկտեմբեր 2019
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հոնկոնգի իշխանություններն իրականացրել են Օրենսդիր խորհրդից արտահանձնման մասին օրինագծի հետկանչի պաշտոնական ընթացակարգը, որն այստեղ զանգվածայտին բողոքների պատճառ Է դարձել ամառվա սկզբից: Այդ մասին, ինչպես տեղեկացնում Է «Արմենպրես»-ը, հոկտեմբերի 23-ին հայտնել Է տեղի վարչակազմի անվտանգության հարցերով քարտուղար (նախարար) Ջոն Լին:
Այսպիսով, վերջնականապես բավարարված Է հակակառավարական ցուցարարների հանգուցային պահանջը: Ցուցարարները նաեւ ներկայացնում եւս չորս պահանջ, որոնց թվում են՝ բողոքի ակցիաների բոլոր ձերբակալված մասնակիցների ազատ արձակումը եւ Հոնկոնգի ընտրական համակարգի դեմոկրատացումը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում