Ժամանակը Երևանում՝ 11:07:36,   12 Նոյեմբեր

Շուրջ 70 հազար երեխաներ են լքել իրենց տները Սիրիայում տեղի ունեցող մարտերի հետեւանքով

Շուրջ 70 հազար երեխաներ են լքել իրենց տները Սիրիայում տեղի ունեցող մարտերի հետեւանքով

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Չորս երեխա Է զոհվել, եւս ինը վերքեր են ստացել Սիրիայի հյուսիս-արեւելքում տեղի ունեցող մարտերի հետեւանքով, իսկ այն երեխաների թիվը, որոնք հարկադրված լքել են իրենց տները, մոտենում Է 70 հազարի: Այդ մասին, ինչպես տեղեկացնում Է «Արմենպրես»-ը, ասված Է ՄԱԿ-ի Մանկական հիմնադրամի (ՅՈւՆԻՍԵՖ) գործադիր տնօրեն Հենրիետա Ֆորի՝ Ժնեւում տարածված հայտարարության մեջ:

«ՅՈւՆԻՍԵՖ-ը հաստատում Է, որ Սիրիայի հյուսիս-արեւելքում սպանվել Է առնվազն չորս եւ վիրավորվել՝ ինը երեխա»,-նշել Է Ֆորը: ՄԱԿ-ի Մանկական հիմնադրամի գնահատումների համաձայն, «Սիրիայի հյուսիս-արեւելքում մարտերի սկսվելու պահից ի վեր շուրջ 70 հազար երեխա Է գաղթական դարձել»:

ՅՈւՆԻՍԵՖ-ի գործադիր տնօրենի խոսքով՝ հոկտեմբերի 9-ին սկսված մարտական գործողությունների ընթացքում գրոհի են ենթարկվել երեք հիվանդանոց եւ մեկ դպրոց: Նա նշել Է, որ մարդասիրական օգնություն կարող Է պահանջվել առնվազն 170 հազար երեխայի: Ֆորը հորդորել Է «հակամարտության բոլոր կողմերին եւ նրանց, ովքեր կարող են նրանց վրա ազդել», պաշտպանել երեխաներին եւ քաղաքացիական ենթակառուցվածքը, հաղորդել Է ՏԱՍՍ-ը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ