ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի Մ-17 հավաքականը հյուրընկալվելիս նվազագույն հաշվով զիջել է Կիպրոսի հասակակիցների ընտրանուն։

«Արմենպրես»-ի հաղորդմամբ` այս մասին գրում է ՀՖՖ-ն: Լառնակայի «Ամոխոստոս» մարզադաշտում կողմերը 2-րդ անգամ են հանդիպել 3 օրվա ընթացքում: Միակ գոլը Կիպրոսի կազմում խփել է Անխելոս Զեֆկին՝ հանդիպման 44-րդ րոպեին:  

Հայաստանի Մ-17 հավաքականը խաղադաշտ էր մտել այսպիսի կազմով. 1. Գոռ Մատինյան, 2․ Էդգար Թամազյան (16․Դավիթ Աթայան, 50'), 4․Ստյոպա Մկրտչյան (6․Գոռ Առաքելյան, 46'), 5․Էրիկ Սիմոնյան, 8․Էդգար Փիլոյան (15․Կարեն Հովհաննիսյան, 56’), 9․Արթուր Սերոբյան, 10․Յուրի Քոլոզյան (ա) (17․Միսակ Հակոբյան, 61’), 11․Սպարտակ Հայրապետյան, 13․Սամվել Հակոբյան (19․Կարեն Դավթյան, 80'), 18․Սարգիս Սահակյան (7․Լևոն Վարդանյան, 61’), 22․Կարեն Գալստյան։