Երևանում՝ 11:07,   19 Մարտ 2024

Դատական համակարգում սպասվում են մի շարք փոփոխություններ

Դատական համակարգում սպասվում են մի շարք փոփոխություններ

ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի առաջին ատյանի ընդհանուր իրավասության դատարանի դատավորների հետ սեպտեմբերի 18-ի հանդիպմանը ԲԴԽ նախագահ Ռուբեն Վարդազարյանը խոստացավ, որ դատական համակարգում իրականացվելու են մի շարք կարևոր փոփոխություններ։ Առաջին հերթին ապահովվելու է աշխատանքի թափանցիկություն։

«Այսուհետ որևէ խնդիր չի լուծվելու դռնփակ կամ գաղտնի ռեժիմով, եթե այն օրենքով նախատեսված չէ դռնփակ իրականացնել»,- «Արմենպրես»-ի փոխանցմամբ՝ ասաց նա:

Վարդազարյանի խոսքով՝ երկրորդ փոփոխությունը լինելու է այն, որ դատական համակարգում առկա համակարգչային տեխնիկան ամբողջությամբ վերազինվելու է: «Այդ գործընթացի համար գումար է հատկացվել, մրցույթը հայտարարված է, և մինչև տարվա վերջ դրանք փոխված կլինեն»,- նշեց Վարդազարյանը:

Երրորդ փոփոխությունն էլ այն է, որ դատավորներին, ովքեր ունեն սեփական ավտոմեքենաներ,  ըստ ցանկության կտրամադրվեն դատական համակարգի պետհամարանիշներ:

«Պետհամարանիշների տրամադրման դեպքում քաղաքացիները կճանաչեն դատավորներին և կփոխեն իրենց վերաբերմունքն այդ մեքենայի նկատմամբ: Այս քայլով նրանք նաև հսկողության տակ կլինեն՝ ճանապարհային երթևեկության խախտման դեպքում, որևէ գիշերային ակումբի կամ խաղատան մոտ հայտնվելով կթիրախավորվեն»,- ասաց ԲԴԽ նախագահը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]