ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Գրեթե 2,5 մլն բրիտանացիներ են ստորագրել այն հանրագիրը, որում կոչ Է արվում հրաժարվել Եվրամիությունից Մեծ Բրիտանիայի դուրս գալուց, տեղեկացնում Է «Արմենպրես»-ը: Բրիտանական խորհրդարանի կայքի՝ հանրագրերին նվիրված բաժնում մարտի 22-ի առավոտյան նշվում Է, որ ներկայում հանրագրի տակ ստորագրել Է 2 մլն 451 հազար 828 մարդ:

«Բրիտանական կառավարությունը քանիցս հայտարարել Է, որ ԵՄ-ից դուրս գալը ժողովրդի կամքն Է: Մեզ հարկավոր Է հակահարված տալ այդ հայտարարությանը՝ ցույց տալով, թե ժողովուրդը որքան ուժեղ Է պաշտպանում ԵՄ-ում Մեծ Բրիտանիայի պահպանումը»,-ասված Է հանրագրին կից մեկնաբանության մեջ: «Երկրի խորհրդարանն այժմ պետք Է որոշի՝ բանավեճեր կազմակերպել արդյոք այս հանրագրի շուրջ, քանի որ այն ավելի քան 100 հազար ձայն Է հավաքել: Բացի այդ, հանրագիրը բավարար թվաքանակով ձայներ Է հավաքել, որպեսզի բրիտանական կառավարությունը եւս պատասխան տա դրան:

Մեծ Բրիտանիայի արտաքին գործերի նախարար Ջերեմի Հանթը մարտի 21-ին BBC 4 ռադիոյի եթերում հայտարարել Է, որ Լիսաբոնի պայմանագրի՝ ԵՄ-ից երկրի դուրս գալու գործընթացը կարգավորող 50-րդ հոդվածի գործողությունը դադարեցնելը հնարավոր Է, բայց դա «քիչ հավանական Է»: Բրիտանական խորհրդարանի՝ հանրագրերին նվիրված կայքը բարձր հաճախելիության պատճառով հինգշաբթի աշխատում Էր ընդհատումներով:

Հանրագիրը սոցցանցերում տարածել են բրիտանական խորհրդարանի անդամները, այդ թվում՝ Լիբերալ-դեմոկրատներից պատգամավոր Թոմ Բրեյքը եւ Շոտլանդական ազգային կուսակցության անդամ Փիթ Ուիշարթը, հաղորդել Է «Ինտերֆաքս»-ը: