ՌԴ-ՆԱՏՕ խորհրդում կողմերը տարակարծիք Էին ՓՄՀՀՊ-ի եւ Ուկրաինայի նկատմամբ դիրքորոշումներում. Ստոլտենբերգ
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Ռուսաստանը եւ ՆԱՏՕ-ն միանգամայն տարբեր դիրքորոշումներ ունեն Փոքր ու միջին հեռահարության հրթիռների վերացման մասին պայմանագրի եւ Ուկրաինայում շարունակվող հակամարտության շուրջ:
Այդ մասին, ինչպես տեղեկացնում Է «Արմենպրես»-ը, հունվարի 25-ին հայտարարել Է Հյուսիսատլանտյան դաշինքի գլխավոր քարտուղար Ենս Ստոլտենբերգը՝ ամփոփելով ՌԴ-ՆԱՏՕ խորհրդի՝ Բրյուսելում կայացած նիստի արդյունքները:
«Այս երկու թեմաների շուրջ Էլ մենք տարակարծություններ ունեցանք: Հենց դրա համար Էլ կարեւոր Է այս երկխոսությունը»,-ասել Է նա:
Դաշինքի գլխավոր քարտուղարը հանդիպումը որակել Է կառուցողական ու օգտակար՝ չնայած կողմերի տարաձայնություններին:
«Այսօրվա հանդիպմանը մենք քննարկեցինք Հյուսիսատլանտյան անվտանգությանը վերաբերող ամենակարեւոր թեմաները: Մեր հանդիպումները ոչ միշտ են հարթ ընթանում, բայց դրա համար Էլ դրանք այդքան կարեւոր են»,-ասել Է Ստոլտենբերգը:
Նա հավելել Է, որ Հյուսիսատլանտյան դաշինքը ՓՄՀՀՊ-ի գծով բեկման հասնելու որեւԷ նշան չի տեսնում: «Ռուսաստան-ՆԱՏՕ խորհրդի անդամներն ընդունում են, որ ՓՄՀՀՊ-ն կենսականորեն կարեւոր Է հյուսիսատլանտյան անվտանգության համար: Բայց պայմանագիրն այժմ սպառնալիքի տակ Է: Ցավոք, մենք բեկման որեւԷ նշան չտեսանք»,-նշել Է նա:
Դաշինքում վստահ են, որ ԱՄՆ-ի հարվածային դրոնները եւ հակահրթիռային պաշտպանության համակարգի համար թիրախ-հրթիռները չեն խախտում Փոքր ու միջին հեռահարության հրթիռների մասին պայմանագիրը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում