Ժամանակը Երևանում՝ 11:07:36,   24 Մարտ

Երկու և ավելի ավտոմեքենա ներկրելու դեպքում կլինեն հարկային պարտավորությունների փոփոխություններ


ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ:  Նախորդ տարի Հայաստան է ներմուծվել 67 հազար 255, 2017 թվականին՝  39 հազար 282, իսկ 2016-ին՝ 16 հազար 887 ավտոմեքենա։ «Արմենպրես»-ի հաղորդմամբ՝ այս մասին լրագրողների հետ զրույցում նշեց ՀՀ պետական եկամուտների կոմիտեի նախագահ Դավիթ Անանյանը։ Հիմնականում ավտոմեքենաները ներմուծվել են Վրաստանից, ԱՄՆ-ից և Ճապոնիայից, որոնց ծագման երկրներն են Գերմանիան, Ճապոնիան, ԱՄՆ-ն և Կորեան։

Դավիթ Անանյանն անդրադարձավ երկու և ավելի ավտոմեքենա ներկրողների դժգոհություններին, որոնք կապված էին հարկային դրույքաչափերի բարձր լինելու հետ: Նա նշեց, որ իրենց խոստմանը համապատասխան արդեն լուծումներ են առաջարկել:

«Ավտոմեքենաների ներկրմամբ զբաղվող մեր հայրենակիցները բողոքում էին, մեզ հորդորում էին, որ մենք օրենսդրությունը փոխենք: Մենք խոստացանք քննարկում անցնել: Ստացված առաջարկի հիման վրա ՊԵԿ-ի տեսակետը ներկայացրեցինք կառավարությանը, որտեղ քննարկումների արդյունքում վերջնականացվեց երկու տարբերակ: Դրանցից որևէ մեկի ընդունման պարագայում, ըստ էության, լուծվում է մեր հայրենակիցների բարձրացված խնդիրը: Չեմ բարձրաձայնի այդ տարբերակները, որովհետև դրանք դեռ քննարկման փուլում են: Մոտ օրերս բարեփոխումների շրջանակում մենք այդ տարբերակը ներմուծելու ենք փոփոխությունների փաթեթում: Այն գործելու է հետընթաց, այսինքն՝ 2018 թվականի հուլիսի 1-ից»,-ասաց Դավիթ Անանյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ