ԿԳ նախարարությունը հայտնել է դեկտեմբերին նախատեսված 12-րդ դասարանի պետական ավարտական քննությունների օրերը
11:35, 14 Դեկտեմբեր 2018
ԵՐԵՎԱՆ, 14 ԴԵԿՏԵՄ«ԲԵՐԻ, ԱՐՄԵՆՊՐԵՍ: ՀՀ կրթության և գիտության նախարարությունը հայտնել է 2018 թվականի դեկտեմբերին նախատեսված 12-րդ դասարանի պետական ավարտական քննությունների օրերը:
Ինչպես «Արմենպրես»-ին տեղեկացրին ՀՀ կրթության և գիտության նախարարությունից Հայոց լեզու և գրականություն առարկայի գրավոր քննությունը տեղի կունենա դեկտեմբերի 24-ին, Մաթեմատիկա առարկայի գրավոր քննությունը՝ դեկտեմբերի 25-ին, իսկ Հայոց պատմություն առարկայի գրավոր քննությունը՝ դեկտեմբերի 27-ին: Քննաշրջանը կազմակերպվում է համաձայն ՀՀ ԿԳ նախարարի 2018 թվականի մայիսի 15-ի N468 Ա/2 հրամանով հաստատված 2017-2018 ուսումնական տարվա սովորողի գիտելիքների ստուգման, ավարտական և պետական ավարտական քննությունների կազմակերպման և անցկացման աշխատակարգի:
Բաժանորդագրվեք մեր ալիքին Telegram-ում