Շիրակի մարզի գյուղական համայնքներում ընտրական գործընթացը հանգիստ է ընթանում
ԳՅՈՒՄՐԻ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Շիրակի մարզի գյուղական համայնքներում ընտրական գործընթացը հանգիստ է ընթանում: Մարզի Ամասիայի և Աշոցքի տարածաշրջանների գյուղական համայնքները ներառող ամենամեծ թիվ 30 ընտրատարածքային ընտրական հանձնաժողովից «Արմենպրես»-ին հայտնեցին, որ, 13:00-ի դրությամբ, ընտրությունները նորմալ են ընթանում, հանձնաժողովը բողոք կամ դժգոհություն ընտրատեղամասերից չի ստացել: Սակայն, ինչպես տեղեկացրեց թիվ 30 ԸԸՀ նախագահ Գրիգոր Հովհաննիսյանը, 2017 թվականի ԱԺ ընտրությունների համեմատ, գործընթացը պասիվ է. «ԸԸՀ-ն, որն ընդգրկում է 63 տեղամաս, ունի 27 հազար 70 ընտրող: Նրանցից 11:30-ի դրությամբ ընտրություններին մասնակցել է ընտրողների 6,6 տոկոսը, իսկ նախորդ տարի ավելի քան 11 տոկոս է եղել այդ նույն ժամանակ»:
Արմենուհի Մխոյան
Բաժանորդագրվեք մեր ալիքին Telegram-ում