Աֆղանստանում սպանվել Է թալիբների պարագլուխներից մեկը
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Աֆղանստանի Կունդուզ հյուսիսարեւելյան նահանգում «Թալիբան» շարժման առաջնորդ մոլլա Մանսուրն սպանվել Է Իմամ Սահիբի գավառում, որը սահմանակից Է Տաջիկստանին: Այդ մասին, ինչպես տեղեկացնում Է «Արմենպրես»-ը, հոկտեմբերի 22-ին հայտնել Է աֆղանական ազգային բանակի 209-րդ կորպուսի մամուլի կենտրոնը:
Աֆղանական հրամանատարության տվյալներով՝ կառավարական զորքերի հետ ընդհարումների ընթացքում ոչնչացվել Է առնվազն 20 զինյալ, այդ թվում՝ ծայրահեղականնների դաշտային հրամանատար Յասին Վահիդը: 209-րդ կորպուսի շտաբում մոլլա Մանսուրի վերացումը գնահատել են որպես նշանակալի հաջողություն, թալիբների առաջնորդը պատասխանատու Էր կառավարական ուժերի վրա հարձակումների համար ոչ միայն Կունդուզի նահանգում, այլեւ հարեւան Թահարի եւ Բաղլանի նահանգներում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում