ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսական «Ի՞նչ, որտե՞ղ, ե՞րբ» ինտելեկտուալ հեռուստաակումբի անդամ, ազգությամբ ադրբեջանցի Ռովշան Ասկերովը լքում է հեռուստանախագիծը: 

Այս մասին, ինչպես հաղորդում է «Արմենպրես»-ը, հայտնում է ադրբեջանական minval.az-ը:

Ռովշան Ասկերովը խաղը լքելու մասին հայտնել է «ֆեյսբուք»-ի իր էջում կատարված գրառմամբ:

Ասկերովը գրառման մեջ նշել է, որ արդեն ժամանակն է, որ լքի ակումբը:

«Ժամանակն է  խոստովանելու ակնհայտը՝ ակումբի խաղացող Ռովշան Ասկերովի ժամանակը սպառվել է: Ճիշտ պահին հոլակը կանգնեցնելը առանձին վարպետություն է»,- նշել է նա:

Ասկերովը նշել է նաև, որ խաղը լքում է ինքնակամ:

«Այլևս չխաղալն իմ որոշումն է և միայն իմ»,- գրառմամբ ասել է Ասկերովը: