398.74
Արմեն Աշոտյանը և Մանե Թանդիլյանը կմասնակցեն Բաքվում «Եվրանեսթ» ԽՎ-ի կազմակերպած համաժողովին
1 րոպեի ընթերցում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: «Եվրանեսթ» խորհրդարանական վեհաժողովի հայաստանյան պատվիրակության ղեկավար Արմեն Աշոտյանը և պատվիրակության անդամ Մանե Թանդիլյանը կմասնակցեն վեհաժողովի` սեպտեմբերի 22-ին Բաքվում կայանալիք սոցիալական, կրթության, մշակույթի և քաղաքացիական հասարակության հարցերի հանձնաժողովի կողմից կազմակերպված համաժողովին: Այս մասին «Արմենպրես»-ին տեղեկացրին ՀՀ Ազգային ժողովի արտաքին հարաբերությունների մշտական հանձնաժողովից:
Համաժողովը նվիրված է կանանց առողջության և գենդերային հավասարության խթանմանը: Պատվիրակության՝ համաժողովին մասնակցելու հետ կապված կազմակերպչական հարցերը գտնվում են ընթացիկ փուլում:
Բաժանորդագրվեք մեր ալիքին Telegram-ում