Ռուսաստանն աղետալիորեն կորցնում Է ժամանակը. Կուդրին
14:34, 1 Հունիս 2017
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ռուսաստանի ֆինանսների նախկին նախարար, Ռազմավարական մշակումների կենտրոնի ղեկավար Ալեքսեյ Կուդրինը Bloomberg-ին տված հարցազրույցում հայտարարել Է, որ Ռուսաստանի իշխանությունները բարենորոգությունների պատրաստ չեն նույնիսկ «կորսված տասնամյակից» հետո, տեղեկացնում Է «Արմենպրես»-ը: Կուդրինը «կորսված տասնամյակ» Է անվանում այն վերջին 10 տարիները, երբ Ռուսաստանի տնտեսական աճը միջին հաշվով կազմել Է ընդամենը 1 տոկոս, այն դեպքում, երբ Վլադիմիր Պուտինի կառավարման առաջին երկու ժամկետներում այդ ցուցանիշը հասնում Էր 7 տոկոսի:
«Ռուսաստանն աղետալիորեն կորցնում Է ժամանակը: Ցավոք, իշխանությունները կառուցվածքային փոփոխությունների անցկացման անհրաժեշտությունը գիտակցում են շատ դանդաղ»,- ասել Է Ռազմավարական մշակումների կենտրոնի ղեկավարը: Կուդրինը նաեւ Bloomberg-ին պատմել Է, որ կասկածում Է, թե Պուտինը լիովին հավանություն տա 2018 – 2024 թվականներն ընկած ժամանակաշրջանում Ռուսաստանի զարգացման՝ իր առաջարկած ռազմավարությանը:
Բաժանորդագրվեք մեր ալիքին Telegram-ում