Պենտագոնը նոր հետախուզական ստորաբաժանում Է ստեղծում Եվրոպայում
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Պենտագոնն աշխատում Է «հետախուզության տեխօժանդակության ծառայության» ստեղծման վրա, որը կգործի Բալկաններում եւ Արեւելյան Եվրոպայում: Այս մասին, ինչպես տեղեկացնում Է «Արմենպրես»-ը, հայտնել Է RT-ն՝ վկայակոչելով ԱՄՆ-ի պետգնումների պորտալում զետեղված պարտավորագիրը:
Փաստաթղթի համաձայն՝ հունիսին խմբին կես տարով կուղարկեն Եվրոպա: Ստորաբաժանումը կտեղաբաշխեն Գերմանիայում, Իտալիայում եւ Կոսովոյում: Ըստ որում հայտամրցույթում նշված Է, որ ծառայության պատասխանատվության գոտին կտարածվի նաեւ Լեհաստանի, Ռումինիայի, Բուլղարիայի եւ Մերձբալթիկայի երկրների վրա:
Նոր ծառայության խնդիրների մեջ կմտնեն հետախուզական տվյալների վերլուծությունը, հետախուզական գործողությունների պլանավորումն ու իրականացումը, ինչպես նաեւ տեղեկատվական համակարգերի անվտանգության ապահովումը, շահագործումը, տեխնիկական սպասարկումը եւ օժանդակումը: Ամբողջ ստացված տեղեկատվությունը ստորաբաժանումը կուղարկի անմիջականորեն Պենտագոնի ղեկավարությանը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում