ԿԺԴՀ-ն հրթիռային փորձարկմամբ անհարգալից վերաբերմունք Է դրսեւորել ՉԺՀ-ի նկատմամբ. Թրամփ
17:19, 29 Մայիս 2017
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: ԿԺԴՀ-ի կողմից հերթական հրթիռային փորձարկումը ոչ անհարգալից վերաբերմունքի դրսեւորում Է Կորեական թերակղզու խնդիրների լուծմանն օժանդակելու Չինաստանի ջանքերի նկատմամբ: Այդ մասին, ինչպես տեղեկացնում Է «Արմենպրես»-ը, մայիսի 29-ին հայտարարել Է ԱՄՆ-ի նախագահ Դոնալդ Թրամփը: «Հյուսիսային Կորեան բավականին անհարգալից վերաբերմունք դրեսեւորեց իր հարեւան Չինաստանի նկատմամբ՝ արձակելով եւս մեկ բալիստիկ հրթիռ… Բայց Չինաստանը շատ Է ջանում (օգնել կարգավորելու հյուսիսկորեական խնդիրը)»,- գրել Է նա Twitter-ում: Ինչպես արդեն տեղեկացվել Է, Հյուսիսային Կորեան մայիսի 29-ի առավոտյան կատարել Է վերջին երկու շաբաթվա ընթացքում բալիստիկ հրթիռի երրորդ արձակումը, նախորդ երկուսը տեղի են ունեցել մայիսի 14-ին եւ 21-ին: Արձակումն իրականացվել Է ԿԺԴՀ-ի արեւելյան ափի Վոնսան քաղաքի շրջանից: Ճապոնիայի եւ ԱՄՆ-ի պաշտոնատար անձանց տվյալներով՝ հրթիռի թռիչքը շարունակվել Է վեց րոպե, այն անցել Է 450 կիլոմետր եւ ընկել Ճապոնական ծովը՝ Ճապոնիայի բացառիկ տնտեսական գոտում՝ Սիմանեի պրեֆեկտուրայի Օկի կղզիներից 300 կիլոմետր եւ Նիգատայի պրեֆեկտուրայի Սադո կղզուց 500 կիլոմետր հեռավորության վրա:
Հրթիռի թռիչքի բարձրությունը կազմել Է 100 կիլոմետր: Ճապոնիայի եւ Հարավային Կորեայի զինվորականները կարծում են, որ կատարվել Է «Սքադ» տիպի միջին հեռահարության հրթիռի արձակում:
Հերթական արձակմանը Հարավային Կորեայի եւ Ճապոնիայի արձագանքը հետեւել Է անհապաղ: Ճապոնիայի վարչապետ Սինձո Աբեն հրավիրել Է երկրի Անվտանգության խորհրդի արտակարգ նիստ եւ խոստացել Է «ԱՄՆ-ի հետ մեկտեղ ձեռնարկել կոնկրետ քայլեր Հյուսիսային Կորեային զսպելու համար»:
Հարավային Կորեայի արտգործնախարարությունը դատապարտել Է արձակումն, այն որակելով «ՄԱԿ-ի Անվտանգության խորհրդի բանաձեւերի բացահայտ խախտում», եւ խոստացել Է «խիստ միջոցներ» ձեռնարկել Հյուսիսի դեմ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում