Ժամանակը Երևանում՝ 11:07:36,   25 Նոյեմբեր

Լոռիում փրկված արջի քոթոթներին անվանակոչել են Զանգակ և Բամբակ


ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Լոռու մարզում մայիսի 4-ին հայտնաբերված արջի քոթոթներն արդեն անուններ ունեն: Ինչպես «Արմենպրես»-ին տեղեկացրին Վայրի բնության և մշակութային արժեքների պահպանման հիմնադրամից, քոթոթների անուններն ընտրվել են համացանցային քվեարկության արդյունքում: «Զանգակի ու Բամբակի խնամքին այսուհետև մասնակցելու է Բրիջիթ Բարդոյի հիմնադրամը»,-տեղեկացրին հիմնադրամից:

«Արմենպրես»-ի հետ զրույցում Վայրի բնության և մշակութային արժեքների պահպանման հիմնադրամի հանրային տեղեկատվության պատասխանատու Արթուր Հարությունյանը նշեց, որ քոթոթներն այժմ Երևանի կենդանաբանական այգու նորագույն սարքավորումներով զինված կենդանաբուժական կլինիկայում բուժզննում են անցնում, նրանք առողջ են: «Մոտ ժամանակներս նրանք կտեղափոխվեն Վայրի կենդանիների փրկարար կենտրոնի կարանտինային կայան (Կովկասյան կենսաբազմազանության ապաստարան)»,-ասաց նա:

Լոռու մարզում բնապահպան տեսուչները մայիսի 4-ին առանց մայր արջի երկու քոթոթ են գտել: Հիմնադրամը կանի հնարավոր ամենը, որպեսզի քոթոթները վերադարձվեն վայրի բնություն:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ contact@armenpress.am
Яндекс.Метрика
Էջի կարգավորումներ