Բրիտանական ընկերությունը շրջայություններ Է կազմակերպում դեպի խորտակված «Տիտանիկ»
15:24, 22 Մարտ 2017
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Մեծ Բրիտանիայի Blue Marble Private ընկերությունը դեպի խորտակված «Տիտանիկ» սուզման տոմսերի վաճառք Է սկսել, շրջագայությունները կսկսվեն 2018 թվականից, տեղեկացնում Է «Արմենպրես»-ը՝ հղում անելով CNN-ին:
Ընկերության մտահղացմամբ՝ ութօրյա տուրիստական երթուղին կմեկնարկի Կանադայի Նյուֆաունդլենդում, որտեղից ճանապարհորդներին պլանավորվում Է հասցնել «Տիտանիկի» խորտակման վայր: Զբոսաշրջիկներն ավելի քան 3200 մետր խորությունում նավի մոտ կիջնեն հատուկ բատիսկաֆով՝ պատրաստված տիտանից եւ ածխածնային մանրաթելից:
Էկզոտիկ շրջագայության տոմսը կարժենա 105 հազար դոլար: Գնաճի հաշվառմամբ այս գումարը համարժեք Է հանրանավի առաջին դասի տոմսի սկզբնական գնին: Այդուամենայնիվ, դեպի «Տիտանիկ» առաջին սուզման ազատ տեղեր արդեդ չեն մնացել, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում