ԵԱՏՄ սանիտարական և անասնաբուժական չափանիշները վերահսկվելու են ազգային ծառայությունների կողմից
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: ԵԱՏՄ-ում գոյություն ունեն ընդհանուր սանիտարական և անասնաբուժական չափանիշներ, որոնք ընդունվել են անդամ պետությունների կողմից: Ինչպես հունվարի 16-ի ասուլիսում նշեց Եվրասիական տնտեսական հանձնաժողովի ինտեգրման և մակրոէկոնոմիկայի Կոլեգիայի անդամ Տատյանա Վալովայան, այս ընդհանուր չափանիշները վերահսկվելու են երկրների ազգային ծառայության կողմից:
«Ինչ-որ խախտում արձանագրելու դեպքում ազգային ծառայությունը հաղորդում է Եվրասիական մարմիններին, որը և վերացնելու է այդ խախտումը»,- «Արմենպրես»-ի հաղորդմամբ՝ ասաց Վալովայան:
Վալովայայի խոսքով` եթե որևե անդամ պետություն չի ընդունելու մեկ այլ անդամ պետության ազգային ծառայության՝ խախտման մասին եզրակացությունը, ապա կարող է բանակցությունների միջոցով կարգավորել այդ հարցը կամ, ծայրահեղ դեպքում, դիմել դատարան:
Բաժանորդագրվեք մեր ալիքին Telegram-ում