Չինաստանում մոլեգնում Է «Մեգի» թայֆունը, ավելի քան 200 հազար մարդ Է տարհանվել
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանի Ֆուցզյանի նահանգում մոլեգնող «Մեգի» («Նանյույ») թայֆունի պատճառով զոհվել Է մեկ մարդ, 212 հազարը տարհանվել են: Այդ մասին, ինչպես տեղեկացնում Է «Արմենպրես»-ը, սեպտեմբերի 28-ին հայտնել Է ՉԺՀ-ի քաղաքացիական վարչակազմի նախարարությունը:
Սեպտեմբերի 28-ի առավոտյան «Մեգի» թայֆունը հասել Է մայրցամաքային Չինաստանի արեւելյան ափեր: Իշխանությունները հայտարարել են շտապ արձագանքման երրորդ մակարդակ եւ աշխատանքային խմբեր ուղարկել Գուանդունի, Ֆուցզյանի, Չժեցզյանի, Ցզյանսիի եւ Հունանի նահանգներ՝ օգնություն ցուցաբերելու եւ տարերքի հետեւանքները վերացնելու համար:
Նախարարության տվյալների համաձայն՝ թայֆունից տուժել են 8 քաղաքներ եւ Ֆուցզյանի նահանգի 43 գավառներ, աղետի գոտում հայտնվել Է 233 հազար մարդ:
Ավելի վաղ թայֆունն անցել Է Թայվան կղզու տարածքով, որտեղ տարերքից զոհվել Է չորս եւ վերքեր Է ստացել 527 մարդ, հաղորդել Է ՌԻԱ Նովոստին:
Լուսանկարը` AP
Բաժանորդագրվեք մեր ալիքին Telegram-ում