Հայտնի են «Արդյունավետ գիտաշխատող-2016» մրցույթի հաղթողները
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: «Արդյունավետ գիտաշխատող-2016» մրցույթում հայագիտություն և հումանիտար գիտությունների բնագավառում հաղթող ճանաչված 15 գիտաշխատողներից 7-ը Հնագիտության եւ ազգագրության ինստիտուտի ներկայացուցիչներն են: Ինչպես հաղորդում է «Արմենպրես»-ը, այս մասին իր ֆեյսբուքյան էջում գրառում է կատարել ՀՀ ԳԱԱ Հնագիտության եւ ազգագրության ինստիտուտի տնօրեն Պավել Ավետիսյանը: «ՀՀ ԳԱԱ համակարգում այս ցուցանիշը թերևս ամենաբարձրն է: Անկասկած հպարտանալու առիթ է: Բայց նաև մտորելու շատ բան կա... շահառուների մեջ երիտասարդ մարդ չկա»,-գրել է Ավետիսյանը:
«Արդյունավետ գիտաշխատող - 2016» մրցույթում այս տարի հաղթող են ճանաչվել 97 գիտաշխատողներ` գիտության տարբեր ոլորտներում: ՀՀ ԿԳ նախարարի 2016 թ. սեպտեմբերի 24-ի հրամանով հաստատվել է «Արդյունավետ գիտաշխատող - 2016» մրցույթի շահառուների ցուցակը: ՀՀ պետական բյուջեից նրանց հավելավճարներ կտրամադրվեն:
Բաժանորդագրվեք մեր ալիքին Telegram-ում