Երևանում՝ 11:07,   25 Ապրիլ 2024

ՖԻՖԱ-ն կտրականապես դեմ է կապույտ քարտերին. Ջանի Ինֆանտինո

ՖԻՖԱ-ն կտրականապես դեմ է կապույտ քարտերին. Ջանի Ինֆանտինո

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: ՖԻՖԱ-ի նախագահ Ջանի Ինֆանտինոն խիստ բացասաբար է տրամադրված ֆուտբոլում, այսպես կոչված, կապույտ քարտերի ներդրման՝ Ֆուտբոլի միջազգային ասոցիացիայի խորհրդի (IFAB) առաջարկին: «Արմենպրես»-ի տեղեկացմամբ՝ այդ մասին հայտնում է Reuters գործակալությունը։

Տուգանքի այդ տեսակն առաջարկվում է կիրառել այն դեպքերում, երբ խաղացողները կկատարեն մրցակցին հեռանկարային գրոհ անցկացնելու հնարավորությունից զրկող մարտավարական խախտում կամ անհամաձայնություն կդրսևորեն մրցավարի որոշման վերաբերյալ: Կապույտ քարտը ենթադրում է, որ ֆուտբոլիստը պետք է 10 րոպեով հեռացվի խաղադաշտից: Խաղի ընթացքում երկու կապույտ կամ մեկական դեղին և կապույտ քարտ ստացած մարզիկն անմիջապես արժանանալու է կարմիր քարտի և զրկվելու է հանդիպումը շարունակելու իրավունքից:

Ֆուտբոլի միջազգային ասոցիացիայի խորհուրդը նոր կարգի ներդրման հարցը ՖԻՖԱ-ի հետ քննարկել է այսօր՝ մարտի 2-ին, Շոտլանդիայում կայացած իր տարեկան ընդհանուր ժողովում: Հեղինակներն այս առաջարկը մտադիր են փորձարկել ցածր լիգաներում, իսկ հաջորդ մրցաշրջանից՝ ներդնել նաև Անգլիայի գավաթի խաղարկությունում։

«Էլիտար մակարդակում որևէ կապույտ քարտ չի օգտագործվելու։ Մեզ համար այդ հարցը փակված է: ՖԻՖԱ-ն կտրականապես դեմ է կապույտ քարտերին։ Ավելին՝ ես, որպես ՖԻՖԱ-ի նախագահ, նույնիսկ տեղյակ չէի այդ առաջարկության մասին:  Կարծում եմ՝ ՖԻՖԱ-ն խոսքի իրավունք ունի IFAB-ում: Մենք միշտ բաց ենք գաղափարների և առաջարկների քննարկման համար, սակայն պետք է պաշտպանենք նաև խաղի էությունն ու ավանդույթները: Ֆուտբոլում «կապույտ քարտ» հասկացություն գոյություն չունի»,- Շոտլանդիայում լրագրողներին հայտարարել է Ինֆանտինոն:

 




Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]