Պուտինը Կրեմլում ոչ պաշտոնական նախաճաշ է ունեցել Փաշինյանի և ԱՊՀ անդամ այլ երկրների ղեկավարների հետ
13:58, 9 Մայիս 2023
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ։ Ռուսաստանի Դաշնության նախագահ Վլադիմիր Պուտինը Հաղթանակի օրը՝ մայիսի 9-ին Կրեմլում ոչ պաշտոնական նախաճաշ է ունեցել Հայաստանի վարչապետ Նիկոլ Փաշինյանի և ԱՊՀ անդամ այլ պետությունների ղեկավարների հետ։ «Արմենպրես»-ի փոխանցմամբ, այս մասին հայտնում է «ՌԻԱ Նովոստի»-ն։
Մոսկվայի Կարմիր հրապարակում Հայրենական մեծ պատերազմում հաղթանակի 78-րդ տարեդարձին նվիրված զորահանդեսին ներկա գտնվելու նպատակով բացի Նիկոլ Փաշինյանից Ռուսաստանում են նաև Բելառուսի, Տաջիկստանի, Թուրքմենստանի, Ուզբեկստանի, Ղրղզստանի և Ղազախստանի ղեկավարները։
Այսօր նրանք նաև ծաղիկներ են խոնարհել Անհայտ զինվորի հուշահամալիրին։
Բաժանորդագրվեք մեր ալիքին Telegram-ում