1000х90.jpg (78 KB)

Երևանում՝ 11:07,   29 Մարտ 2024

Նոր սարքեր ալկոհոլի օգտագործման արձանագրությունների համար. փոփոխություններ Պարեկային ծառայությունում

Նոր սարքեր ալկոհոլի օգտագործման արձանագրությունների համար. փոփոխություններ 
Պարեկային ծառայությունում

ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: ՀՀ ոստիկանության պարեկային ծառայությունում ցանկացած տեսակի արձանագրության կազմման համար նախատեսվում է ամբողջությամբ անցում կատարել համակարգչային ծրագրային ապահովման:

«Արմենպրես»-ի հաղորդմամբ՝ օգոստոսի 9-ին, ՀՀ ոստիկանապետ Վահե Ղազարյանի ուղեկցությամբ Ոստիկանության ՊՊԾ գունդ աշխատանքային այց կատարեցին ՀՀ փոխվարչապետ Մհեր Գրիգորյանը, ՀՀ-ում ԱՄՆ դեսպան Լինն Թրեյսին և ՀՀ-ում ԵՄ պատվիրակության ղեկավարի պաշտոնակատար Յան Պլեշինգերը:

Ներկա էր նաև ՀՀ արդարադատության նախարարի առաջին տեղակալ Քրիստինե Գրիգորյանը, ով «Արմենպրես»-ի հետ զրույցում նշեց, որ այցի նպատակն էր միջազգային գործընկերների հետ քննարկելը, թե ի՞նչ է արվել ծառայության գործարկման 1 ամսվա ընթացքում:

«Խոսեցինք մարտահրավերներից, դրական և բացասական արձագանքներից, առաջիկայում լուծելիք խնդիրներից և այլն: Պետք է փորձենք հասցեագրել բոլոր արձագանքները, որպեսզի աշխատանքները ճիշտ կարգավորվեն: Բացասական արձագանքներից է եղել վթարների արձանագրությունների ոչ այնքան արագ կազմումը, առաջին երկու շաբաթում խաչմերուկների կարգավորումների հետ կապված դժվարությունները: Նմանատիպ խնդիրներն ավելի շատ կապված են փորձառության հետ, որոնք արագ փորձում ենք շտկել»,- նշեց Գրիգորյանը:

Լուսանկարները` Մխիթար Խաչատրյանի

Պարեկային ծառայության լեյտենանտ Չոբանյանը հյուրերին ներկայացրեց նոր մեքենաների կահավորանքը: Նա ընդգծեց, որ մեքենայում կա ժապավեն պատահարների դեպքում տարածքը սահմանազատելու համար, հարվածային գործիքներ, մետր, կրակմարիչ, դեղատուփ, ճանապարհային ոզնի, ապակի կոտրելու, ամրագոտին կտրելու սարքեր, պահպանման տոպրակ, ալկոմետր, ապակիների ստուգման սարք և այլն:

Լին Թրեյսին և Յան Պլեշինգերը հետաքրքրությամբ ուսումնասիրում էին մեքենաների հագեցվածությունը, դիտարկումներ անում, ինչպես նաև ծանոթանում ծառայողների աշխատանքի մանրամասներին: Խոսվեց նաև տպիչ սարքերի անցում կատարելու մասին, ինչի վերաբերյալ Արդարադատության փոխնախարարը շեշտեց, որ դրանք նախատեսված են լինելու ալկոհոլի օգտագործման արձանագրությունները կազմելու համար:

«Նախկինում, արձանագրությունը կազմելու համար քաղաքացին պետք է գնար բաժին: Այժմ ալկոմետրով կստուգվի վարորդի սթափությունը, թերմոտպիչի միջոցով էլ կտպվի օգտագործած ալկոհոլի աստիճանն ապացուցող կտրոնը, որը թղթային ձևով կկցվի նաև արձանագրությանը: Մենք մշակել ենք նաև համակարգչային ծրագրային ապահովում  (software), որի շնորհիվ պարեկների մոտ առկա պլանշետների միջոցով հնարավոր կլինի էլեկտրոնային արձանագրություններ կազմել: Փորձում ենք ավելի շատ արձանագրություններ ներդնել էլեկտրոնային համակարգում, որպեսզի պարեկը վերջնական հաշվարկում խնդիր չունենա թուղթ կազմելու»,- ասաց Գրիգորյանը և հավելեց, որ որոշ արձանագրությունների դեպքում անձանց ծանուցումները հանձնելու մասով պետք է ունենալ նաև թղթային տարբերակ:

Ճանապարհային երթևեկության արձանագրությունների մեծ մասը կազմվում է հենց այդ եղանակով՝ առանց թղթի:

Խոսելով Պարեկային ծառայության ոստիկաններին ամրացված ռետինե մահակների մասին, Գրիգորյանն ասաց, որ ամբողջ աշխարհում դրանց փոխարինում են նորերն ու ժամանակակիցները՝ պոլիկարբոնատայինները:

«Տարբեր մահակներ կան, տարբեր ֆունկցիոնալության, այդ իսկ պատճառով մտադրություն ունենք օրենքում փոփոխություն կատարել, որպեսզի նոր ձեռքբերված պոլիկարբոնատային մահակները կիրառել օրինական ձևով»,- նշեց ԱՆ նախարարի առաջին տեղակալը:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]