Պատմության հետագծով
ԵՐԵՎԱՆ, 27 ՀՈՒՆՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: ՄԱԿ-ի գլխավոր ասամբլեայի կողմից հունվարի 27-ը հաստատվել է որպես Հոլոքոստի զոհերի հիշատակի օր: Երկրորդ համաշխարհային պատերազմի ժամանակ իրականացված ցեղասպանություն, որի շրջանակներում նացիստական Գերմանիայի եւ նրա դաշնակիցների կողմից համակարգված ոչնչացվել է շուրջ վեց միլիոն եվրոպացի հրեա՝ Եվրոպայի հրեա բնակչության մոտավորապես երկու երրորդը 1941-ից մինչեւ 1945 թ. ընկած ժամանակահատվածում։
-1939 թ. հունվարի 27-ին ծնվել է Տիգրան Մանսուրյանը՝ հայ կոմպոզիտոր, ՀԽՍՀ ժողովրդական արտիստ (1990)։ Հեղինակ է նվագախմբային, կամերային, երգչախմբային եւ վոկալ գործերի, որոնք կատարվել են ամբողջ աշխարհում։ Նա գեղարվեստական նոր հիմքի վրա վերածնել է կոմիտասյան սկզբունքները։
-1942 թ. հունվարի 27-ին մահացել է Նիկողայոս Ադոնցը՝ հայ պատմաբան, բյուզանդագետ եւ բանասեր (ծնվ.՝ 1871 թ.):
-1973 թ. հունվարի 27-ին Փարիզում կնքվեց խաղաղության համաձայնագիր, համաձայն որի՝ ամերիկյան զորքերը պետք է դուրս գային Վիետնամից, ինչով, փաստորեն, ավարտվում էր Վիետնամի պատերազմը:
-1899 թ. հունվարի 27-ին ծնվել է Արարատ Ղարիբյանը՝ հայ լեզվաբան, ՀԽՍՀ գիտության վաստակավոր գործիչ (մահ.՝ 1977 թ.):
-1918 թ. հունվարի 27-ին Ֆինլանդիայում քաղաքացիական պատերազմ սկսվեց:
Հիշարժան փաստեր
-Պանրի գույնը կախված է կաթի բաղադրությունից, որն էլ, իր հերթին, կախված է այն բանից, թե ինչով են կովին կերակրում: Որքան շատ է B-կարոտինը, այնքան պանրի գույնն ավելի մուգ է:
-Այսօր աշխարհում կա ավելի քան 2500 տեսակի պանիր, բայց ամեն շաբաթ նոր տեսակներ են հայտնվում: Շվեյցարիայում, օրինակ, արտադրվում է 2400 տեսակի պանիր:
-Գիտնականների գնահատմամբ՝ պանրի համաշխարհային արտադրությունը գերազանցում է միասին վերցրած թեյի, սուրճի, կակաոյի հատիկների եւ ծխախոտի արտադրությունը:
-Աշխարհում ամենաշատ սպառվող պանիրը «Մոցարելլա»-ն է: Որոշ մասնագետներ դրա ժողովրդականությունը պայմանավորում են նրանով, որ այն հաճախ է օգտագործվում պիցցա պատրաստելիս:
-Հռոմեական կայսրության ժամանակ պանիր պատրաստելու համար օգտագործում էին առանձին տարածքներ-խոհանոցներ, որոնք կոչվում էին «careale»:
-Պանրի առաջին գործարանը հիմնադրվել է Շվեյցարիայում 1815 թ., բայց զանգվածային արտադրությունն սկսվել է ավելի ուշ՝ 1851-ին ԱՄՆ-ում:
-Գրեթե մեկ դար գիտնականները փորձում էին պարզել, թե ինչու են առաջանում պանրի անցքերը: Եվ 1917 թ. ամերիկացի Ուիլյամ Քլարկը բացահայտեց, որ «աչուկները» կաթի մեջ եղած բակտերիաների կենսագործունեության արդյունք են: Բակտերիաները արձակում են ածխաթթու գազ՝ պանրի մեջ առաջացնելով խոռոչներ:
Մ. Ա.
Բաժանորդագրվեք մեր ալիքին Telegram-ում