Արոնյանը դեռևս երկրորդն է Norway Chess-ում
09:15, 9 Հոկտեմբեր 2020
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը շարունակում է ելույթները Norway Chess-ում:
«Արմենպրես»-ի հաղորդմամբ` մրցաշարի 4-րդ տուրում Արոնյանը մրցում էր Իրանից Ալիռեզա Ֆիրուջայի հետ: Գրոսմայստերները դասական պարտիան ավարտեցին ոչ-ոքի: Մրցաշարի կանոնադրության համաձայն շախմատիստները ուժերը չափեցին «արմագեդոն» շախմատում, որտեղ առավելության հասավ Ֆիրուջան:
Մյուս պարտիաներում հաղթանակ տոնեցին աշխարհի գործող չեմպիոն Մագնուս Կարլսենը և Տարի Արյանը:
Այս տուրից հետո Արոնյանը զիջեց առաջատարի դիրքը և երկրորդ տեղում է: Մրցաշարային աղյուսակը գլխավորում է Մագնուս Կարլսենը:
Բաժանորդագրվեք մեր ալիքին Telegram-ում