Կառավարության կողմից հատկացված ՈՒԱԶ ամենագնաց մեքենաներն արդեն Շիրակի մարզում են
19:17, 18 Սեպտեմբեր 2020
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ։ Կառավարության կողմից հատկացված ՈՒԱԶ ամենագնաց մեքենաներն արդեն Շիրակի մարզում են։ Այս մասին «Արմենպրես»-ը տեղեկացավ Շիրակի մարզպետարանի «Ֆեյսբուք»-ի էջից։
«Մարզին հատկացվել է 3 մեքենա, որոնք տրամադրվել են «Արթիկի բժշկական կենտրոն», «Մարալիկի առողջության կենտրոն» և «Ամասիայի առողջության կենտրոն» ՓԲԸ-ներին։ Մեքենաները հագեցած են շտապ և անհետաձգելի օգնություն ցուցաբերելու համար անհրաժեշտ բժշկական սարքավորումներով և պարագաներով»,- նշված է մարզպետարանի հաղորդագրության մեջ։
Բաժանորդագրվեք մեր ալիքին Telegram-ում